Euskalmeten iragarpenen harian, asteburuan hego-mendebaldeko haize bortitzak (orduko 160 kilometrotik gorako boladak izan ditzake) itsasertza eta mendialdea astindu ditzakeela ohartarazi du Eusko Jaurlaritzako Herrizaingo Sailak. EAEko beste lekuetan, irekiak ez diren guneetan, alerta egoera deitu dute, nahiz eta, orokorrean, orduko 120 kilometrotik gorako haize-boladak ez gainditzea iragarrita dagoen. Egoera horrek larunbat arratsaldetik igande goizera arte iraun dezake. Arrisku handiena larunbat arratsaldean eta igandearen lehen orduetan izango da gune irekietan, batez ere kostaldean; izan ere, orduko 160 kilometrora arteko haize-boladak izan daitezke. Irekiak ez diren guneetan, berriz, orduko 100 eta 120 kilometroko haize-boladak egon daitezke.
Gaur (ostirala) eta bihar (larunbata) goizean, orduko 100 kilometrotik gorako boladak izan ditzake haizeak babesik gabeko guneetan, eta orduko 80 kilometrotik gorakoak, aldiz, irekiak ez diren guneetan. Larrialdiei Aurregiteko Zuzendaritzak dagoeneko ohartarazi ditu Euskadiko larrialdi zerbitzuak SOS-Deiak zerbitzuaren bidez, beharrezko neurriak har ditzaten, eta hurrengo egunetarako alerta egoera deitu du. Bestalde, Larrialdietarako eta Babes Zibileko Espainiako Zuzendaritza Nagusiak bederatzi autonomia erkidego, Nafarroa tartean, ohartarazi ditu orduko 90 kilometroko haize-boladak egon daitezkeelako.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun