Nahiz eta logelan telefono bat izan, bertan dauden bi ertzainek erantzuten dute. Aurreko egunean, lehenengo gaua nola igaro zuen jakiteko deitu zion Anjeli bere amak, baina telefonoa hartu zuen ertzainak ezin zuela deitu esateaz gain, inongo berririk ez zion eman. Ebakuntza egiten diotenean laguntza beharko du Anjelek eta dagoeneko Langraitzeko zuzendariari idatzia igorri diote senideek horretarako baimena eskatuz. Askatasunak gogor salatu nahi du ertzainen jarrera, atzo 6.000 euro ordaindu ostean behin-behinekoz aske gelditu zen Anjel Alkalderekin izan zuten jarrera berbera.
Mendeku politika
Figueroa eta, estatu frantses eta espainoleko espetxeetan, egoera berdinean diren beste preso politikoen askatasuna exijitzen du Askatasunak; baita sakabanaketa politikarekin amaitzea ere. Euskal preso politikoen duintasuna suntsitzeko helburuarekin, politika kriminal hau erabiliz, gatibu mantentzen dituzte gaixo egoteagatik kalean egon behar liratekeen euskal preso politikoak. Horren harira, preso politikoen kontrako mendeku politikarekin amaitu behar dela esan nahi diegu behin eta berriro, baita Balzaren agindupean diren ertzainei kontrolatzeko eskaera egin ere. Euskal preso politikoen kontrako mendeku politikek gatazka luzatu eta areagotu baino ez dute egiten, oztopo garbia bilakatzen ari dira.
Askatasuna
Gaiaren inguruko berriak:
Anjel Figueroa preso algortarra Gurutzetako ospitalean dago (2006 Ots 16)
Anjel Figueroa Langraitzera ekarri dute (2006 Urt 02)
Anjel Figueroa berriro atera dute Kordobatik (2005 Abe 23)
Anjel Figueroa Kordobara eraman dute berriro (2005 Abe 03)
Anjel Figueroa preso algortarra Langraitzen dago, Gurutzetan arreta medikoa jaso ahal izateko (2005 Urr 08)
Kordobako espetxetik atera dute Anjel Figueroa (2005 Urr 04)
Anjel Figueroa preso algortarraren osasun egoera larria da (2005 Ira 29)
Anjel Figueroa Algortako euskal preso politikoa lau egun daramatza Gurutzetako ospitalean, duen epilepsia gaixotasuna osatzeko ebakuntza egiteko aukerak aztertzeko. Bere arrebak esan zigun bezala, une honetan, fase larrienean dago Anjel eta gero eta sarriagotan ditu krisiak. Ospitalean sartu zutenetik bertan bost ertzain ditu une oro: hiru logelako atean, kanpoaldean, eta beste bi logela barruan. Logelan egun osoan, gauez eta egunez, argia pizturik uzten diote. Horretaz gain, lehenengo egunetik, trabak jarri dizkiete Anjelen senideei bisitara joan direnean. Gauzak horrela, aipatu egunean amari soilik utzi zioten bisita egiten eta ordu erdiz baino ez, nahiz eta, astean zehar, hiru arratsaldetan hiru orduko bisitak baimenduak egon. Eta asteburuetan bi ordu goizez eta beste hiru ordu arratsaldez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun