Kultur Leioak "El Hundimiento" filmaren proikezioa eta ipuin kontalari erotikoa antolatu ditu aste honetarako
Kultur Leioan aste honetan zehar eskainiko diren ikuskizunen artean, "El Hundimiento" filmaren proikzioa eta ipuin kontalari erotikoa nabarmendu daitezke, antolatzaileek prentsa ohar bidez jakinarazi dutenez. Astearte honetan, otsailak 21, arratsaldeko 8etan, Perseo Zine Forumak gaur egungo europar zineari buruzko zikloarekin jarraituz, "El hundimiento" filma alemaniarra eskainiko du. 1945ean Bigarren Mundu Gerra bukatzear zegoela, Berlinen bunker batean sartuta, Hitlerrek bere azken egunak nola igaro zituen kontatzen du pelikulak. Bestalde, Aterpe Leioako Gazte Informazio Bulegoak, ipuin kontalari erotikoa antolatu du, asteazken honetarako (gaztelaniaz) eta martxoaren 1erako (euskeraz). Sarrerak bi euro balioko du, baina sexualitate tailerrean parte hartu dutenentzako dohainik izango da. Ekitaldi biak 20:00etan izango dira.
Ostiralean, berriz, helduentzako mozorro lehiaketa antolatu du Leioako Udalak, taldeka eta banakako sailak jarriz. Egun horretan bertan Leioako Udala VI. PopRock Lehiaketara maketak aurkezteko epea bukatzen da. Larunbatean 19:00etan eta 22:00etan, igandean eta astelehenean (ikuslearen eguna) 20:00etan "Una vida por delante" pelikula egongo da ikusgai. Azkenik, otsailaren 26an, igandea, 12:00etan eta 17:00etan "Bibi, la pequeña bruja" haur filmea eskeiniko dute Kultur Leioan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun