Maskoten Udal Zerbitzuari buruz izango den lehenengo kanpaina martxoaren bigarren hamabostaldian eramango da aurrera, bigarrena kale animaliei janaririk ez ematearen egokitasunari buruzkoa datorren maiatzean eta hirugarrena, animalien antzutzeari buruzkoa, datorren urrian.
Txiparik jartzen ez duenari, isuna
Bestalde, Udaltzaingoak aldiro egingo ditu kontrolak txakurrek txipa jarrita dutela egiaztatzeko. Kontrol horiek "oso garrantzitsuak" dira Fernando Burzakoren arabera, “txakurren jabeei, batez ere txakur arriskutsuen eta txipa ez daramaten txakurren jabeei informazioa ematea dutelako helburu eta baita udal araubidea betetzearen beharraz kontzientziatzea ere”. Araubideak gutxienezko 30 euroko zigorrak aurreikusten ditu.
Ingurumen zinegotziak informazio hitzaldien garrantzia ere azpimarratu nahi izan du, batez ere, ikasleei eman beharrekoena, “txikitatik animaliak era egokian eta zuzenean edukitzearen gainean hezitzea baita da asmoa”.
2005. urtearen balantzea
Ingurugiroko zinegotziak emandako datuen arabera, 2005ean udalerriko txakurretan jarritako txipen kopurura areagotu egin zen, Zerbitzutik igaro ziren horien %80ak identifikazio mota hori zeramatelako. Une honetan Udalak uste du udalerrian 6.500 bat txakur daudela, horietatik 5.700 erroldatuta. 2005ean Zerbitzuak 357 animali hartu zituen (txakurrak, katuak eta bestelakoak) eta baita 154 larrialdi zerbitzu egin ere.
Martxoa eta urria bitarte maskotak antzutzeko, txipa jartzeko eta kalekoei jaten ez emateko publizitate kanpainak egingo ditu Getxoko Udalak
Getxoko Ingurumen Arloak animalien inguruko 2006 urterako egitasmoak iragarri ditu. Arloa zuzentzen duen Fernando Burzako Eusko Alkartasuneko zinegotziak martxoa eta urria bitartean hiru kanpaina egingo direla deklaratu zuen pasa den ostegunean. Burzakok publiko egin bezala, Getxoko Txakurren Udal Unitateak hiru informazio kanpaina eramango ditu aurrera, zenbait albaitarirekin bildu, Udaltzaingoarekin batera erronda batzuk egin eta hainbat informazio hitzaldi eskainiko dizkie alde batetik txakurren jabeei eta bestetik ikastetxeri, maskotak antzutzeko, txipa jartzeko eta kaleko animaliei jaten ez emateko gomendatuz. Argazkian, kaleko katu bat / Rafa Espada, Copyleft lizentziapean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun