Besteak beste, TAO sistema Areetako Santa Ana auzora; "bertokoei galdetuta aurretik", Itzubaltzeta / Erromora; "bertan osasun etxea egoteak sortutako zirkulazio kaosa konpontzeko asmoz", Algortako Bidezabal aldera eta Arrigunaga eta Ereaga hondartzetara zabaltzea dago Getxoko PPk aurkeztuko dituen proposamenan artean. Aipatu areatzen kasuan egoilarrentzako bereizgarri bat sortzea aurrikusten dute tokiko popularrek, "dohainik aparkatu ahal izan dezaten". Bestalde, Algortako Telletxe kalean TAO eremuak zabalagoak egitea eskatuko dute PPko ordezkariek. Golf Zaharra ingurua ere bereiztu du Arruek, aipatu eremua Itzubaltzeta / Erromon egon arren. Horretaz gain, behin TAO eremuan kotxea uzteko denbora agortu eta gero, hori luzatzeko hamar minutu gehiago eskatzen dituzte popularrek, "eta ez denbora agortu eta bost minutu lehenagora arte, baldintzen orria jasotzen duen bezala", Getxoko PPko bozeramailearen hitzetan. "Euren lan-baldintzak ikusita", hainbat lagunentzako salbuespenak ere nahi dituzte, "nahiz eta horiek udalerrian ez bizi". Multzo horretan sartu ditu Arruek, lanerako ibilgailuren bat erabiltzen duten merkatariak edota etxetik etxera joan behar izaten duten mediku laguntzaileak. Azkenik, egun ematen diren etxebizitza bakoitzeko bi TAO txartelez gain, ibilgailu bakoitzeko ere txartela nahi dute PPkoek.
Hala ere, TAO zerbitzuaren kudeaketa lehiaketa publikora ateratzeko baldintza berrien artean "gauza onak" badaudela aitortu du Arruek. Besteak beste, "kreditu txartelaren bidez ordaintzeko aukera, merkatariek bezeroei eman ahal izango dieten txartal magnetikoa eta isunak momentuan ordaintzeko aukera" aipatu ditu Getxoko PPko bozeramaileak.
Ezinduentzako aparkatzeko txartela
TAO zerbitzua alde batera utzita, baina aparkalekuen gaineko kontuak alde batera utzi gabe, ezinduentzako aparkatzeko txartela eskatzeko izapideak "arindu" daitezela eskatuko du ostiraleko udalbatzarrean Getxoko PPk. Orain artean, Bizkaiko Foru Aldundiak ematen duen baimena Udalak berak berretsi behar du ondoren, "logikoki azkarragoa behar lukeen prozesua erabat motelduz". "Txartela behar duten lagunek dituzten mugitzeko arazoak ez datoz bat arinagoa izan beharko lukeen administrazioarekin. Aipatu agiria eskuratzeko leihatil bat baino gehiagotik igartzea saihestu beharko lukete", diote tokiko popularrek, aipatu alderdiak Eusko Legebiltzarrean aurkeztu eta aho batez onartua izan zen proposamenarekin bat eginez.
TAO sistema Areetako Santa Anara, Itzubaltzetara, Bidezabalera, Arrigunaga eta Ereagara zabaldu nahi du Getxoko PPk
2006ko ots. 21a, 22:34
Otsailaren 24ko udalbatzarrean aurkeztuko ditu EAJ, EA eta EB-Berdeak taldeek osatzen duten Getxoko Gobernu Batzordeak TAO zerbitzuaren kudeaketa lehiaketa publikora ateratzeko baldintzak. Hori dela eta, bere lana "berriro ere txarto eta presaka" egitea egotzi diote Iñaki Zarraoa alkateak zuzentzen duen udal gobernuari tokiko popularrek. Gaur goizean emandako prentsaurrekoan Marisa Arrue Getxoko PPko bozeramaileak salatutakoaren arabera, "urtebete baino gehiago dabiltza berandu. Gainera, TAO erregulatzen duen ordenantza gaurkotu aurretik atera nahi izan dute lehiaketa". "Horren garrantzitsua den kontua, dagokion udal batzordean denboraz eta behar bezala landu eta ia getxoztarren erdia ordezkatzen duten alderdien –PP eta PSE-EEri buruz– proposamenak kontutan hartu gabe" tratatzea leporatu dio udal gobernuari Arruek, "larderiaz eta oposizioko alderdiak zapalduz" jokatzen ari direla gaineratuz. Gauzak horrela, "aipatu udal batzordean landu beharreko proposamenak" aurkeztuko ditu ostiraleko osoko bilkuran Alderdi Polularrak, euren ustez, "hamaika urteren buruan egoera asko aldatu delako". Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun