Ez Donk 25 plataformaren aburuz, "UPV-EHUko agintariak ia urte bete daramate entitate horren 25. urteurrena hainbat ekitaldi eta promozio kanpainaren bidez goraipatu, omendu eta ospatuz. Bertsio ofiziala entitate horrekiko akritikotasunean, hausnarketa ezan eta erakunde horren sorreratik gertatu diren hainbat gertaera latz ezkutatuz eraiki dute, beraiek perfilaturiko diskurtso hori guztiona bailitzan".
Horregatik, gogoratu dutenez, sortu zen "ikasturte honen hasieran UPV-EHUren inguruko irakurketa propioa, kritikoa, sakona egingo zuen plataforma bat: Ez Donk 25". Izen horretako plataforma osatu dute "UPV-EHU erakundeak 25. urteurrena dela eta burutzen ari den kanpaina propagandistiko horretan hedatu duen mezuaren beste ikuspegi bat azaldu nahi izan duten eragile, kolektibo eta gizabanakoek", tartean Izenetik Izanera foroa, Irakasle Kaleratuen kolektiboa, Garraio Zerbitzu Duinaren Aldeko Plataforma, "7 baietz!" aldizkariko kideak, Euskal Herriak Bere Eskola, LAB, Ikasle Abertzaleak, Ikasle Presoen Aldeko Taldea, Euskal Adarrako kideak izandakoak, Ikasle errepresaliatuak eta zenbait ikasle ohi.
Ez Donk 25 plataformaren agiriak:
Sorrera agiria
Kontramanifestua
2005eko azaroaren 23ko gidoirik gabeko prentsaurrekoa
Gaiaren inguruko berriak:
25. urteurrenaren ospakizunei amaiera emango dio EHUk ostegunean (2006 Ots 21)
EHUren 25 urteen "kritika" egin dute Klaustroan hainbat taldek (2005 Abe 15)
EHUren 25. urteurrenaren "iritzi kritikoa" plazaratzeko hainbat ekimen izango dira Klaustroaren bileran (2005 Abe 14)
EHUren 25. urteurrenaren amaieran beste ikuspegiak azalaraziko ditu Ez Donk 25 plataformak
2006ko ots. 22a, 10:17
Bihar Euskal Herriko Unibertsitateak bere 25. urteurrena dela eta antolatutako jardueren amaiera ospatuko du Bilboko Euskalduna Jauregian "Eman ta zabal zazu. 25 urte" izeneko ekitaldiarekin. Bertan EHUn 25 urte edo gehiago lan egin duten beharginei esker ona agertu eta "Eman ta zabal zazu. EHUren historia 1980-2005" liburua aurkeztuko dute 18:30etik aurrera. Parez pare, Bilboko Casilda Iturrizar parkean baina ordu bat lehenago, Ez Donk 25 plataformak "UPV-EHUren ikuspuntu kritikoa islatu eta jendarteratzeko" zein "beste ikuspegiak" azalarazteko ekitaldi propioa antolatu du. Plataformak jakinarazi duenez, bertsolariak eta EHUko zenbait partaideren testingantzak entzuteaz gain, Ez Donk 25 plataformako kide ezberdinek UPV-EHUren inguruan duten ikuspegia jasotzen duen liburuxkaren aurkezpena entzuteko eta alea jasotzeko aukera izango du Casilda Iturrizar parkera hurbiltzen den orok. Argazkian, Ez Donk 25 2005eko abenduan egindako mobilizazio bat / Gaztesarea.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun