Aitor Balda Elkartzeneko kidearen aburuz, "Kapitalaren ofentsiba baten aurrean gaude. Erakunde publikoek esaten digute inoiz baino hobeto bizi garela, baina, aldi berean, pobrezia eta ezberdintasunak inoiz baino handiagoak dira". Egoera hau aldarazteko erreibindikazio aste bat burutuko du Elkartzen plataformak datorren martxoaren 20tik 26ra.
Gaiaren inguruko berriak:
Pobreziaren mugaren azpitik bizi dira milioi bat euskal herritar (Berria)
Elkartzen Euskal Herriko eskubide sozialen mugimenduak atzo salatu zuen Hego Euskal Herriko 898.916 biztanle pobrezian bizi direla, OCDE Ekonomi Lankidetza eta Garapenerako Nazioarteko Erakundearen irizpidea erabiliz. Erakunde horren arabera pobreziaren muga hileko 804 eurotan finkatzen da. Elkartzenek jakinarazi zuenez 804 euro baino gutxiago irabazten dutenen artean oinarrizko soldata kobratzen duten langileak (398.217), erregimen bereziko pentsiodunak (216.871), kotizatutako pentsioa duten bi herenak (215.447), oinarrizko errenta hartzen dutenak (22.645, Nafarroa Garaikoak zenbatu gabe) eta diru sarrerarik ez dutenak (45.736, Nafarroa Garaikoak zenbatu gabe) daude. Halere, ikerketa zehatz horretan pertsona guztiak ez direla agertzen argi utzi du Elkartzenek: "sistemak berak ikustezin bihurtutako pertsonak" falta dira: ezkutuko ekonomian jarduten duten langileak, etxeko andrak, etorkinak, edo etxerik gabekoak. Argazkia: A Xafarica.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun