Javier Corcuera zine-zuzendaria izango da asteazkenean Getxoko Zine-Klubean
2006ko ots. 27a, 20:36
Asteazken honetan, Javier Corcuera zine-zuzendari espainiar-peruarrak (argazkian) parte hartuko du Getxoko Zine-Klubean, beronen azken lana aurkeztuko baita bertan: "Invierno en Bagdad" (Negua Bagdad-en), Irak-eko gerra dela eta bertora kexu egitera joaniko bolondres talde baten bizipenei buruzko dokumentala. Amerikako Estatu Batuetako (AEB) lehen bonbardaketen ondoren Bagdaden jasandako bizi-baldintzak kontatzen ditu aipatu filman Corcuerak. Proiekzioa Algortako Getxo Antzokian izango da, 19:30ean. Sarrerak 2,80 euro balio du. Ohi bezala, pelikularen ondoren hizketaldi bat mantendu ahal izango dute ikusleek zuzendariarekin."Giza ezkutuak" deituriko bolondresen parte zen Corcuera eta Elias Querejetak ekoiztua dago filma. Malagako Zinemaldian dokumental onenaren saria lortu zuen 2005eko apirilean. Aurretik, "La espalda del mundo" (2000), "La guerrilla de la memoria" (2001) eta "En el mundo a cada rato" (2004) izeneko taldekako lanak ekoiztu ditu Corcuerak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun