BBKko haur eskoletan 151 beharginek dihardute lanean. Besteak beste, haur eskolek sehaskako eta jantokiko zerbitzuak dituzte. BBKk 9,5 bat milioi euroko finantziazioa bideratzen du urtero, langile, azpiegiturak eta materialak estaltzeko. Azken urte hauetan, haur eskolak egokitu egin dira hezkuntza eta pedagogiako orientabide berrietara eta gizartearen eskarietara, baina halere oraindik BBKko zentroek dituzten plazen %20 erdara hutsean eskaintzen dira.
Eskaria (pdf)
Bihar da epemuga 0 eta 2 urte bitarteko umeak BBKko haur eskoletan matrikulatzeko
2006ko ots. 27a, 20:52
BBKko haur eskoletan 2006/2007 ikasturterako matrikulazio epea bihar, asteartea, amaituko da. 2005. eta 2006. urteetan jaiotako haurrak matrikulatu nahi izatekotan, haur egoitzetara bertara jo behar da. Ikasturte berrian, BBKk 1.028 plaza eskaintzen ditu 0 eta 2 urte bitarteko haurrentzat. Era honetara, adin-tarte horretarako Uribe Kostan eta beste hainbat eskualdetan dagoen "eskari handiari" erantzun nahi dio BBKk, "2 urtetik aurrerako plazen eskari publikoa aski estalita baitago Bizkaian" aurrezki kutxaren iritziz. Gaur egun, probintzia osoko 0 eta 2 urte bitarteko eskaintzaren %25 estaltzen du BBKk. Guztira, aurrezki kutxak 17 haur-eskola ditu, haietatik hiru eskualdean: Algortan, Itzubaltzetan eta Leioan.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun