Dirulaguntza emateko honako hauek hartuko dituzte kontuan: gazteen partaidetza eta elkarlana sustatzera zuzendutako jarduerak egitea, animazio sozio-kulturaleko programak, hezkuntza eta prestakuntza aisiako jarduerak, kultura eta gazteekin lotutako jarduerak, eta orohar Gazteria Udal Zerbitzuaren jardun eremuaren barruan kokatzen diren proiektu guztiak.
Irizpideak
2006an aurkeztuko diren proiektuak baloratzeko erabiliko dituzten irizpideak Gazteria Zerbitzuak antolatutako talde barruan adostuak izan dira. "Irizpideen artean badaude zeharkako politikaren adierazpen batzuk. Horien artean aipa daitezke euskararen normalizazioaren alde egingo dituzten proiektuak, kanpotik etorritako getxoztarren integrazioaren aldeko irizpideak, eta noski proiektuaren kalitatea kontuan izango duen irizpidea", azaldu zuen Landak.
Gazte elkarteen urteko dirulaguntzetan 28.000 euro inbertituko du aurten Getxoko Udalak
2006ko ots. 28a, 13:51
Datorren martxoaren 31ra arte egongo da zabalik Getxo udalerriko haur, nerabe eta gazteentzako ekintzak bultzatzen dituzten elkarteek 2006rako proiektuak aurkezteko epea. Auten 28.000 euro zuzenduko dituzte ekintza horietarako; 2005ean eman zutena baino %5,6 gehiago. Imanol Landa Presidentzia zinegotziak aipatutakoaren arabera, “Legealdi Plangintzan eta Gazteria Zerbitzuaren kudeaketa plangintzan zehaztuta dagoen ekimena da. Gazte-elkarteen artean elkarlana sustatzea eta horiek bultzatutako gizarte, kultura eta hezkuntza oinarrietan interesa duten gazteei zuzenduta dauden programa eta proiektu guztiak babestea da deialdiaren helburua". Oinarriak udal web orrialdean daude, Hiritarren Arretarako Bulego guztietan, eta Gazteria Zerbitzuan (Tangora Etxean).Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun