Igor Angulo Iturrate Santurtziko euskal preso politikoaren heriotza salatzeko mobilizazioak ugariak izango dira ondorengo egunetan. Besteak beste, atzo bezala, manifestazioa abiatuko da gaur 8etan, Algortako Telletxe plazatik, "PSOE hiltzailea, Euskal Presoak Euskal Herrira" lelopean, Uribe Kostako Amnistiaren Aldeko Mugimenduak Etengabe blogaren bitartez iragarri duenez. Bihar, martxoak 1, mobilizazioak izango dira eskualde buruetan. Etzi, martxoak 2, PSE-EE alderdiaren egoitzen aurrean izango dira elkarretaratzeak. Ostiralean, berriz, borroka eta mobilizazio egun nazionala deituta dago. Goizean paroak eta mobilizazioak egingo dira irakaskuntzan, arratsaldean herri guztietan eta Santurtzin greba orokorra. Azkenik, larunbatean 17:30ean omenaldia egingo diote Angulori bere jaioterrian, Santurtziko Herriko plazan.
Igor Angulo Iturrate euskal preso politikoa atzo agertu zen hilik Cuencako espetxean. Santurtziarrak 32 urte zituen eta 1996az geroztik zegoen atxilotuta eta 2001eko martxoaren 3an eraman zuten bertara. Albiste agentziek espetxeko iturriak aipatuz zabaldu zutenez, goizean aurkitu zuten hilik 8etako zenbaketa egiten ari zirenean: “bere ziegako leihotik zegoen zintzilik bota bateko lokarri batekin”. Angulok 6 urte zeraman Cuencan; “bakarrik zegoen bere ziegan”.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun