Lehengo antzezlanerako gonbidapenak –hortaz, dohainik– Andrak elkarteko egoitzan (Sabino Arana, 78), Gizarte Zerbitzuetan (Sabino Arana, 82) eta Kafe Huts taldeko lokaletan, Lamiako ikastetxean, (Langileria, 106) jaso ahal izango dira. Hurrengo egunean, aldiz, 10 euro ordaindu beharko dute Alkibla Teatroren antzezlana ikusi nahi dutenek. Aipatu beharra dago, EAEn lehendabiziko aldiz egongo dela ikusgain talde murtziarraren lana. Laila Ripioren “El día más feliz de nuestras vidas” (Geure bizitzako egunik zoriontsuena) komedia mingotsak hiru ahizparen 60ko hamarkadako historia kontatzen du lehenengo zatian, eta 80ko urteetakoa gero. Agertokiratzea elkarrizketa labur eta bizkorraren bitartez egiten da, agerian utziz hiru neskatila/emakume haien izaera gaztelau eta goibela, sasoi bakoitzeko konbentzionalismoek markatuak hirurak; humore eta samurtasun ez gutxirekin eta oreka perfektua lortuta tradizioaren eta berrikuntzaren artean.
Emakumeen Nazioarteko Eguna
Martxoaren 8rako, asteazkena, elkarretaratzea deitu dute 12:00etan Boulevardean. Ondoren, bazkaria egongo da, Andrak elkarteak antolatuta. Aipatu taldearen egoitzan eman beharko da izena. Hala ere, aurreko egunean, zinemara joateko aukera izango du nahi duen guztiak. Martxoaren 7an, 10:30ean, Sakoneta kiroldegitik Artea merkatalgura abiatuko dira autobusak, ordu erdi beranduago, "A mi madre le gustan las mujeres” filmaz gozatzeko. Gonbidapenak Andrak elkarteko egoitzan (Sabino Arana, 78) eta Gizarte Zerbitzuetan (Sabino Arana, 82) hartu ahal izango dira. Azkenik, martxoaren 9an, "Ley de igualdad de oportunidades" hitzaldia eskainiko du Emakundeko idazkariak, 18:00etan, Kultur Leioan. Ondoren, piano eta kantu errezitaldia egongo da.
Emakumeen Nazioarteko Eguna heldu bitartean, ugariak izango dira Gizarte Zerbitzuak, Behargintza eta Kultur Leioarekin batera, Leioako Udaleko Emakumeen Arloak antolatutako ekitaldiak. Asteazken honetan 19:00etan zabaldu eta martxoaren 8ra arte, "Aproximacion historica al asociacionismo de mujeres de Bizkaia" erakusketa egongo da ikusgai lehen aipatutako kultur aretoan, 10:00etatik 20:00ak arteko ordutegian eta Bizkaiko Foru Aldundiaren laguntzari esker. Martxoaren 2an eta 3an, berriz, antzerkia izango da nagusi: ostegunean, “Comisaría Especial para mujeres” lana taularatuko du Lamiakoko Kafe Huts taldeak, 18:30ean, Kultur Leioako auditorioan. Eta ostiralean "El dia mas feliz de nuestras vidas" (argazkian) estreinatuko du Murtziako Alquibla Teatrok, 20:30ean, toki berean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun