Uribe Kostako errepideak hartuko ditu bihar Erandioko Zikloturista Ibilaldiak
Larunbat honetan, goizeko 9etan abiatuko da udaletxeko plazatik, Erandio-Erandio XIV. Zikloturista Ibilaldia; 12:30etik 15:00etara bitartean, toki berean amaitzeko. Erandioko Txirrindulari Elkarteak (argazkian) antolatzen duen proba ez-lehikorraren 112 kilometroko ibilbidea honako hau izango da: udaletxeko plaza - Getxo - Barrika - Plentzia - Andraka (2. kategoriako portua) - Armintza - Jata gaina (likido hornidura) - Maruri - Mungia - Belako (hornidura solidoa) - Gerekiz - Morga Gaina (2. kategoria) - Astoreka - Gamiz - Mungia - Maruri - Gatika - Butroi (likido hornidura) - Urduliz - Umbe Gaina (2. kategoría) - Asua - Lutxana - Erandio / Udaletxe plaza (helmuga, hornidura eta sari-banaketa). Lasterketa 15 urtetik gorako zikloturista guztientzat dago zabalik eta, dagoeneko izen-emateko jarritako epea bukatuta dagoen arren, bihar ere egongo da horretarako aukera, proba hasi baino ordu bete lehenagora arte. Hala ere, tokirik egongo danik ez dute ziurtatzen antolatzaileek.
Antolaketa lanak eta segurtasuna kontutan hartuta, parte-hartzaile kopurua 700era mugatzea erabaki dute aurten Erandioko Zikloturista Ibilaldiko antolatzaileek. Aurreko edizioetan asko eta asko izan dira proban izena eman duten txirrindulazaleak. 20 euro (15 euro federatuak) ordaindu beharko dute parte hartu nahi dutenek. Istripu-asegurua ere dago sartuta horretan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun