Azken fase horretan Oihane Perea eta Jon Maia bertsolariak arituko dira. Epaile gisa, berriz, Algortako Acero anaiak surflari ezagunak izango dituzte.
Hauek dira irabazleentzako sariak:
- Talde irabazleari: Asteburua landetxe batean eta 4 lagunentzako afaria.
- Bigarren sailaktutako taldeari: Bidaia Mallorcara eta 4 lagunentzako afaria.
- Hirugarren sailkatutako taldeari: Afari bat 4 lagunentzako.
- Laugarren sailkatutako taldeari: Bazkari bat 4 lagunentzako.
Sopelako Esaera Zaharren Txapelketak hamairu urte beteko ditu larunbat honetan
Sopelako AEKk urtero antolatzen duen Esaera Zaharren Txapelketaren hamairugarren edizioa ospatuko da larunbat honetan, apirilak 1, Alfabetatze Euskalduntze Koordinakundeak jakinarazi duenez. Txapelketa honen oinarriak bertsoak eta esaerak dira: partehartzaileek esaera zaharretan oinarritutako bertsoak entzun eta esaera horiek zeintzuk diren esan behar dute puntuak irabazteko. Hiru fase izaten dira: eguerdian Sopelako tabernetan zehar ibiliko dira taldeak, Algortako Bertsolari Eskolak prestatutako bertsoak entzuten eta musikariek lagundurik. Ostean, herri-bazkaria egingo dute Ander Deuna ikastolan, eta hau amaitutakoan finalak jokatuko dira, eguerdiko talde onenen artean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun