Bestalde, jardunaldiak iraun bitartean, haurtzaindegi zerbitzua jarriko du Berangoko Udalak; "aita-amek horietan parte hartzea errazteko". Hori bai, aipatu zerbitzua erabili nahi dutenek jardunaldiak hasi baino lehen eman beharo dute horren berri Berangoetako kultur etxean.
Hona hemen Emakumeen Jardunaldien egitaraua:
Martxoak 6, astelehena
18:00 “Mujer; nutrición y salud” hitzaldia Berangoeta kultur etxean. Nutrizioaren aldetik ditugun beharrak, dietak eta elikadurarekin zerikusia duten alde psikologikoak ere landuko dira.
Martxoak 7, asteartea
18:00-21:00 Lasaitzeko eta arnasa hartzeko teknikak, Ana Alcaiderekin, Berangoetan. Terapeuta da bera, dietan eta nutrizioan aditua. Ondoren, te dastaketa egongo da Iturregi Anaiek eskainitako zeltar musika entzun bitartean. Komenigarria da arropa erosoa eramatea.
Martxoak 8, asteazkena
Emakumeen Nazioarteko Eguna
19:00 "Hijas de su madre" antzezlana Berangoetan. Emakumeen arazoei buruzko azalpenak emango ditu pailazo batek. Hausnarketa, autokritika eta kritika umore onez egiteko unea. Ondoren, luntxa egongo da.
Martxoak 9, osteguna
18:00 Alboa, Uribe Kostako emakume alargunen elkartearen eskutik, Pentsioen Legearen inguruko hitzaldia egongo da Berangoetan: “¿Qué futuro tienen las pensiones de viudedad?” Ondoren, emakume alargun batek bere esperientziaren berri emango du.
Martxoak 10, ostirala
18:30 Garbiñe Abendaño, soprano eta pianistaren emanaldiaz gozatuko dute eskolako jantokian, askaria hartzen duten bitartean.
Martxoak 11, larunbata
18:00 "Patrimonio historico" antzezlana Berangoetan, Teatro entre mujeres taldearen eskutik. Komunitate batean bizi diren auzokideen istorioak eta auziak, umorez kontatuta.
Emakumeen Jardunaldien harira, familia artean gatazkak konpontzeko ikastaroa emango dute Berangon
Aurten ere, Emakumeen Jardunaldiak antolatu ditu Berangoko Udalak. Martxoaren 8a, hau da, Emakume Langilearen Eguna heldu bitartean eta ondorengo egunetan ere ugariak izango dira ekitaldiak. Hilaren 6an, astelehena, hasi eta 11ra, larunbata, bitartean hitzaldiez, tailerrez eta antzerki eta musika emanaldiez gozatzeko aukera egongo da Berangon. Horrekin batera, "familien baitan sor daitezkeen arazoei irtenbidea emateko asmoz", gatazkei konponbidea bilatzeko ikastaroa antolatu dute, prentsa ohar bidez jakinarazi dutenez. Zortzi saio izango dira guztira, martxoaren 16an hasita. Eskolak ostegunero emango dituzte, 19:00etatik 21:00etara. Izena emateko epea hilaren 9ra arte egongo da zabalik. Hala ere, tokiak mugatuak direla ohartarazi dute udal arduradunek. Hortaz, lehen bai lehen apuntatzea komeni da. Berangon erroldatutakoek 10 euro ordaindu beharko dute, eta gainontzekoek 15 euro.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun