Euskarak esparruak irabazten doa sarean eta horren adibide argia da atzo bertan Bizarra Lepoan euskara elkarteak zabaldu zuen bitakora. Hasiera hasieratik, abian dituzten egitasmoen berri eman nahi izan diete internautei Getxo aldekoek: "Asteburuetan ere gozatu euskaraz!" ume euskaldunei zuzendutako egitasmoa; Aixerrota institutuarekin Gazte Hizkera ikastaroa antolatu eta bertoko euskara taldea bera koordinatzeko elkarlana, 5 eta 12 urte bitarteko haurrengan euskararen erabileraren jarraikortasuna bermatzen duten ekintzak, ekaina eta uztaila bitartean antolatzen dituzten udalekuak, Bapiruke haur eta gaztetxoen euskararen erabilera sustatzeko egitasmoa, eskiatzera bidaia (argazkian) eta beste hainbat aisialdi eta kirol jarduerak. Horretaz gain, Bai Eskolak Euskalduntzeari! sinadura kanpainarekin bat egin duela iragarri du Bizarra Lepoanek. Hain zuzen ere, Algortan, Aldai Kulturgunean daukaten lokalean (Karitatea 1, 10. bulegoa) sina daiteke eskolak euskalduntzearen alde. Hauen guztien xehetasunak jakiteko: http://www.blogari.net/bl.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun