Bien bitartean, Mentxakabarritik hainbat gauza ateratzen dabiltza gazteak. Bi pankarta ere egin dituzte, "Gaztetxea defendatu dezagun" eta "Erasoen aurrean autogestioa" leloekin. Itzubaltzeta gaztetxeko hainbat lagun ere hurbildu da bertara.
Gaiaren inguruko berriak:
Mentxakabarri gaztetxea desalojatzen ari dira (2006 Mar 02)
Joan egin diren arren, ertzainak aginduarekin itzuliko diren zain daude Mentxakabarrin
Mentxakabarriko gazteek UKBERRI.NETi jakinarazi diotenez, 17:00ak aldera agertu dira gaztetxean laupabost ertzain. Berez, kanpoaldeko hezia apurtuta dago, eta atea bera zabalik zegoenez, barruraino sartu dira polizia agenteak. "Ezin zirela sartu esan diegu, baina erantzun ere ez digute egin", adierazi dute neska-mutilek. Bitartean, "nahi zuten guztiaren" argazkiak ateratzen ibili dira ertzainak. Dena den, inor ez dute identifikatu eta "gaztetxea desalojatu nahi bazuten, agindua erakutsi behar zutela" aipatu dietenean, joan egin dira, "agindurik ez zeukatelako". Momentu honetan ertzainik ez dago inguruetan eta "nor ibiliko den azkarrago" zain daude gazteak: "abokatua errekurtsoa aurkezten ala polizia agenteak aginduarekin bueltatzen".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun