Gaiaren inguruko berriak:
Desalojoaren kontrako errekurtsoa aurkeztu du Mentxakabarriko gazteen abokatuak (2006 Mar 02)
Joan egin diren arren, ertzainak aginduarekin itzuliko diren zain daude Mentxakabarrin (2006 Mar 02)
Mentxakabarri gaztetxea desalojatzen ari dira (2006 Mar 02)
Algortako Gazte Asanblada eta Mentxakabarri gaztetxean bildutako Algortako eta inguruko herrietako gazteak batzarra egiten ari dira desalojoaren mehatxuaren aurrean ahalik eta hoberen antolatzeko. Izan ere, Tele 7ko kazetariek Ertzaintzako Prentsa Bulegoarekin 18:15ean hitz egin dutela jakinarazi diote Uribe Kostako Gaztetxe eta Gazte Asanbladen koordinadorari eta kazetariek ertzainen ahotan jarri dute ordu horretan desalojo agindurik ez zeukatela. Horregatik, gero eta gehiago direnez desalojoa bihar izango dela pentsatzen direnak, hainbat lagun geldituko dira gaztetxean gaua igaroten beste hainbat etxera joango diren bitartean. Bihar goizeko 7etan jarri dute guztiontzako hitzordua eta gertatzen dena gertatzen dela larunbaterako manifestazioa deitu dute gaztetxearen kontrako erasoa salatzeko. Hitzordu hori gaztetxean bertan 20:30ean finkatu dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun