Sopela eta Urdulizko Gazte Asanbladak (SUGA) antolatuta, datozen asteotan Uribe Kostako herri ezberdinetan "Igeltsera Bizirik" bideoa ikusgai egongo da. Bideo honetan, Sopela eta Urdulizko Igeltsera gaztetxea izandakoaren ibilbidea kontatzen da: SUGAk egindako lana, desalojoa eta abar. Bideo-emanaldi ibiltariaren egitaraua gaur hasi behar zen, 19:00etan Algortako Mentxakabarri gaztetxean, baina gaztetxea husteko mehatxupean dagoenez, ez da bideragarria izan. Bestalde, martxoaren 10ean, barikua, Leioako Udondo gaztetxean, 19:30ean eta martxoaren 17an, barikua ere, Itzubaltzeta gaztetxean, 19:30ean proiektatuko da "Igeltsera Bizirik". Berangon ere bideo-emanaldia egiteko asmoa dago, baina oraindik data zehaztu barik dago. Bestalde, jakinarazi gura dogu Ganebarri gaztetxean tailerrak martxan jarri direla eta barikuetan 17:15ean Tai Ji tailerra eskaintzen dala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun