Herrizaingo Saileko prentsa-oharra:
Igor Anguloren omenezko ekitaldiekin lotuta dago
Bihar Santurtzin egitekoa zen elkarretaratzea debekatu du Herrizaingo Sailak
Igor Angulo hilda agertu den ETAko kidea omentzeko ekitaldien artean, bihar arratsaldean Santurtzin egitekoa zen elkarretaratzea debekatu egin duela jakinarazio die Herrizaingo Sailak antolatzaileei.
ETAko kide hori hil egin dela salatzeko azken egunotan egin diren elkarretaratze eta manifestazioetan lema mehatxugarriak erakutsi direlako edo ETAri gorazarre egin zaiolako egin da debekua, biharko iragarritako kontzentrazioan ere egoera berriz gerta daitekeela aurreikusi baita.
Aurreko egunean egin bezala bihar ere Santurtziko Herriko plazan, udaletxe aurrean arratsaldeko 17:30ean egitekoa den elkarretaratzea debekatu du Euskal Autonomi Erkidegoko Herrizaingo Sailak. Javier Balzak zuzentzen duen erakundeak prentsa ohar baten bidez jakinarazi duenez, elkarretaratzea "Igor Anguloren omenezko ekitaldiekin lotuta dago" eta gai horregatik "azken egunotan egin diren elkarretaratze eta manifestazioetan lema mehatxugarriak erakutsi direlako edo ETAri gorazarre egin zaiolako egin da debekua".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun