Atzo eman zuen Getxoko Instrukzioko 2. Epaitegiak Mentxakabarri gaztetxea husteko agindua. Fiskala ados zegoen eta hiru eguneko epea eman zioten defentsari errekurtsoa aurkezteko. Hala ere, egun berean aurkeztea erabaki zuen. Faltatzat hartu beharrean, delitu bezala tipifikatu dutela omen da epaitegiak horrela jokatzearen arrazoia. Autoan aipatzen denez, "delituarekin ez jarraitzeko eta bertan egiten ari diren jarduerek etxeari kalte egin diezaieketelakoak" eman dute Mentxakabarri husteko agindua.
Gaiaren inguruko berriak:
Desalojo arriskuaren aurrean, gune autogestionatua nahi dutela berretsi dute Mentxakabarriko gazteek (2006 Mar 03)
Mentxakabarri gaztetxea husteko agindurik ez duela esan du Ertzaintzak (2006 Mar 02)
Desalojoaren kontrako errekurtsoa aurkeztu du Mentxakabarriko gazteen abokatuak (2006 Mar 02)
Joan egin diren arren, ertzainak aginduarekin itzuliko diren zain daude Mentxakabarrin (2006 Mar 02)
Mentxakabarri gaztetxea desalojatzen ari dira (2006 Mar 02)
Mentxakabarri husteko izapideekin aurrera doa Getxoko Epaitegia
2006ko mar. 3a, 21:46
Hainbat iturrik horrelakorik ez zegoela zioten arren, Mentxakabarri etxeko jabearen eskaera aintzat hartuz, Getxoko Instrukzioko 2. Epaitegiak Getxo udalerriko ertzain-etxeko agenteei gaztetxea husteko agindua eman diela baieztatu diote UKBERRI.NETi horren berri izan duten Zuzenbidean hainbat adituk; aipatu eraikina okupatu eta bertan gaztetxea eratu izana leporatuta, bost gazteren aurkako auzia zabalik duen epaitegi bera, hain zuzen ere. Neska-mutil horiei eta horien abokatu zein akusazioari jakinarazten ari zaizkie husteko agindua badagoela. Gazteetatik bik gutxienez badute horren berri, hedabide honek dakienez, eta litekeena da bostei jakinarazi arte agindua indarrean ez egotea. Ordutik aurrera, badirudi bost orduko epea egongo dela Mentxakabarri husteko. Bitartean, larunbat honetarako deialdia berretsi dute gazteek. Iluntzeko zortzi t'erdietan abiatuko da manifestazioa gaztetxetik bertatik.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun