Desalojo agindu honekin, berriro ere ikustarazi digute ez dutela gazteok gure kabuz pentsatzea, gozatzea, antolatzea… nahi eta horretarako metodo ezberdinak erabili dituzte gure aurka: polizia bidali, informazioa manipulatu eta herria gure kontra jartzen saiatu dira.
Gazteontzako proiektuak burutzen dituzte, gazteon nahiak eta beharrak kontutan hartu gabe. Azkenekoa, gaztelekuarena izan da: funtzionamendu eta erabilera mugatuko (instituzioek mugatua) gunea. Gazteriaren zati txiki bat barnebilduko duena, hauen aisialdia gaztea ez den pertsona batek antolatuz eta gazteon gaitasunak eta sormena mugatuz.
Baina ez da hau gazteok behar duguna, ezta nahi duguna ere.
Guk gure etorkizuna eta oraina eraiki nahi dugu, guk nahi dugun moduan. Gure aisialdi ereduak sortu nahi ditugu, inposatzen dizkigutenei alternatibak jarriz. Guk geuk izan nahi dugu, ezarri nahi dizkiguten ereduekin apurtu nahi dugu, gure artean harreman mota ezberdinak eraikiz eta elkarren artean komunikatuz, ikasiz, gozatuz, borrokatuz…
Gaztetxeak herrietan ezinbestekoak direlako, gaztetxea defenda dezagun!
Herri bat gaztetxe bat.
Algortako Gazte Asanblada (AGA)
Gaiaren inguruko berriak:
Mentxakabarri gaztetxea husteko agindurik ez duela esan du Ertzaintzak (2006 Mar 02)
Desalojoaren kontrako errekurtsoa aurkeztu du Mentxakabarriko gazteen abokatuak (2006 Mar 02)
Joan egin diren arren, ertzainak aginduarekin itzuliko diren zain daude Mentxakabarrin (2006 Mar 02)
Mentxakabarri gaztetxea desalojatzen ari dira (2006 Mar 02)
Desalojo arriskuaren aurrean, gune autogestionatua nahi dutela berretsi dute Mentxakabarriko gazteek
Badira hiru hilabete gazteok Mentxakabarri etxea okupatu genuela, bertan gaztetxea eraikitzeko asmoz, gazteok gestionatuko genuen gune aske bat eraikitzeko asmoz. Baina hiru hilabete hauetan, honekin amaitzen saiatu dira, argia etengabe moztuz, gure kontrako salaketak jarriz, gu mehatxatuz eta ikaratuz… Baina ez dute gu beldurtzea eta nekatzea lortu, eta gaztetxeak aurrera jarraitu du, bertan ekintza ezberdinak burutu ditugularik, hala nola, eztabaidak, bideo-emanaldiak… Etxea konpontzen ere ibili gara, ahaztutako eraikin hori erabilgarri eta atsegin egin arte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun