Euskal Hiriko irratia, Bilbo Hiria irratia sarean dago jada. Euskal Herri osoa eta planeta osoa hartzen du bere zuzeneko seinaleak eta, gaurdanik, irratia kartara eskaintzen du, blog formatoa hartuta, bere irratsaio guztiak podcast eran eskaintzen hasi baita. Azken aldi honetan bere azpiegitura teknikoa eta webgunea prestatzeaz gain, programazio erakargarri eta anitza prestatzen ahalegin berezia egin du Bilbo Hiriak. Irrati urbanoa da Bilbo Hiria eta %100 euskaraz, konplexurik gabe uste baitugu gure hizkuntza euskal hiriko hizkuntza ere badela, duintasun eta harrotasun osoarekin.
Orain arte entzuteko aukerarik izan ez duenak orain, dagoen tokian dagoela, euskal hiriaren beste hirietatik edo munduko beste muturretik Bilbo Hiriaren sintoniarekin bat egiteko aukera du. Denetariko saioak aurkituko ditugu bilbohiria.com honetan eta denak MP3 formatoan eskuratzeko moduan: magazinak, albisteak, kirolak, musika, zientzia, teknologia berriak, zinea... Ziur zure gustoko zerbait aurkituko duzula Bilbo Hirian. Webgunearen aurkezpena pasa den ostegunean, martxoak 2, izan zen Bilboko Kafe Antzokian eta, ondoren La Kiny Beat taldearekin jaiak segida izan zuen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun