Gorabideren asmoa egoitzaren bizilagunak independentziaz bizitzea da, norbera lanera, hezkuntza zentrora edo zentro okupazionalera egunero joango dela, egoitzan bere espazio propioa edukiz. Dena den, ez dute baztertzen menpekotasuna eduki dezaketen erabiltzaileei sarrera ematea.
Lehengo "Getxoko Udalaren jabegoko eraikina"
Itzubaltzeta gaztetxea ezertarako aipatzen ez dutela, Vocentoren arabera "egoitza lehen Getxoko Udalaren jabegoko eraikin bat zegoen lurzoruan egin" zuten. Getxoko Udalak Bizkaiko Foru Aldundiari utzi zion lurzorua erabiltzeko eskubidea egoitzan sartzeko getxoztarrak lehentasuna izatearen truke. Egoitzan sartzeko izena eman daiteke Foru Aldundiaren gizarte zerbitzuetan, Getxoko Udalaren bulegoetan zein Gorabide elkartean. Orain arte 200 eskaera jaso dituzte.
Lehenengo Itzubaltzeta gaztetxea bota zuten lekuan eraikitako egoitza hilabete honetan zabalduko dute
2006ko mar. 5a, 23:26
Bizkaiko Foru Aldundiaren iturriak aipatuz, Vocento taldeko agentziak jakinarazi du Itzubaltzeta / Erromoko izen bereko kalean dagoen Santa Eugenia egoitza hilabete honetan zehar zabalduko dutela. 2004ko irailaren 27an Ertzaintzak bortizki hustu eta gero eraitsitako Itzubaltzeta gaztetxearen lurzoruan adimen ezintasunak pairatzen dituzten pertsonentzako egoitza eraikitzen hasi ziren. Egoitza horrek 20 pertsona hartuko ditu eta Gorabide elkarteak kudeatuko du. Egoitza guztiz hornituta dago eta irekiera gauzatzeko Getxoko Udalak eman behar dituen zabaltzeko lizentzia eta beste baimenak baino ez omen dira falta. Beheko solairuan areto komunak daude, tartean sukaldea eta jantokia. Beste lau solairuetan, bizitzeko eremuak daude, guztira bertako bizilagunek zortzi logela bikoitz, lau logela arrunt, zortzi komun eta lau "office" edo sukalde txiki erabiliko dituztela. Argazkian, Itzubaltzeta gaztetxea hustu zuteneko irudi bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun