Gizarte Ongizate atalaren atzetik –alde handiarekin–, aurrekontuen %15,79a (332.235,74 euro) bideratuko da Euskara arlora, 2005ean baino 29.131,52 euro gehiago. Hain zuzen ere, 106.200 euro jarri dituzte ume eta gazteen artean euskararen erabilera sustatzeko.
Birziklapena
"Berriro ere birziklapenaren alde apostua eginez", aurrekontuen %6,71a (145.371,79 euro) eman dute papera eta kartoia, beira, ehun-gaiak eta erabilitako etxeko olioa jaso eta herritarrak sentsibilizatzeko kanpainentzako; aurrekoan baino 65.931,44 euro gehiago. Oleak iragarri zuenez, Mankomunitateko udalerrietan (Barrika, Berango, Gorliz, Lemoiz, Plentzia, Sopela eta Urduliz) dagoeneko Leioan jarrita dauden paper eta kartoirako edukiontzien parekoak jartzea aztertzen ari dira. Zarama botatzekoen antzekoak diren edukiontzietan, albotik bota daitezke kartoi eta paper hondarrak; eta gero behar bezala egokitutako ibilgailuek batzen dituzte.
Erabilitako etxeko olioa batzeko, berriz, Mankomunitateko bulegoetan eta udaletxeetan daude eskuragarri 5 litroko ontziak. Atzealdeko etiketan agertzen dira batzeko tokiak, datak eta orduak.
Aurrekontuen bi heren Gizarte Ongizatera bideratuko ditu Uribe Kostako Mankomunitateak
Uribe Kostako Mankomunitatearen 2006ko aurrekontuak aurkeztu zituen, ostiralean egindako prentsaurrekoan, Juan Olea aipatu erakundeko presidenteak. Orotara, 2.104.161,58 eurokoa izango da aurtengo zenbatekoa, 2005ean baino %12,06 handiagoa. Besteak beste, Gizarte Ongizate atalari dagokio diru kopururik handiena: 1.382.526,94 euro, hau da, aurrekontuen %65,72a. Etxez etxeko laguntza, drogamenpekotasuna, ezinduentzako laguntza, gizarte larrialdi eta gobernuz kanpoko erakundeentzako dirulaguntzak eta emakumeentzako aholkularitza juridikoa dira arlo horrek hartzen dituen zerbitzuak. Partida horretan 116.354,66 euroko igoera egoteak "emakume eta gizonen arteko berdintasunaren alde egiteko apostuarekin" lotu zuen Miren Dobaran Berangoko alkateak. "Gizarte Ongizatean zenbat eta gutxiago gastatu, gero eta handiagoa izaten da emakume eta gizonek arteko desberdintasuna", adierazi zuen berak. Agerraldian, Mankomunitateak Berdintasun atala izango duela iragarri zuen Dobaranek. Argazkian, ezkerretik eskuinera, Dobaran eta Olea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun