Guztira 234 metro koadroko tokia du konponduko duten egoitzak eta han gizarte langileentzat lau bulego, gizarte-hezkuntza alorrean lan egiten duten tutoreentzako bi gela, sarrera eta gainontzeko administrazio zerbitzuetarako tokia ere jarriko dute. Bertan, orain arte, bolondresen elkarte batzuk zeuden eta hemendik aurrera beste udal egoitza batera eramango dituzte; orain arte Eusko Jaurlaritzako Hezkuntza Sailaren Berritzegunea zegoen tokira alegia, horixe duela gutxi Leioara eraman baitute.
Getxoko Gobernu Batzarrak Itzubaltzeta / Erromoko Gobelaurre kalean kokatutako udal egoitza zaharberritzeko egitasmoa onartu berri du, aurrerantzean han Gizarte Zebitzuetako bulego bat jartzeko. Gaur egun, zerbitzu hori Nagusien Etxean ematen dute, baina tokia zaharberritu ondoren aipatutako bulegoan jarriko dute, udal arduradunek zehaztu dutenez. Egitasmoaren aurrekontua ia 60.000 eurotakoa izango da. Iñaki Zarraoa alkateak gaur goizeko prentsaurrekoan adierazitakoaren arabera, "Getxoko Udalak eskaintzen dituen zerbitzuak deszentralizatzea da asmoa, herritarrei eman beharreko zerbitzua hobetzeko; bulegoak Itzubaltzeta / Erromo-Areetako herritarrak artatuko ditu eta lanak udaren amaierarako amaituta egotea espero dugu".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun