Eskoletara joan ez eta greba deialdira atxikitzea erabaki duten ikasleek langile eta hainbat merkatariekin bat egin dute Itzubaltzeta / Erromon zehar dendarik denda joan eta mobilizazioen berri emateko. Bertan 11:00etatik 13:00etara zegoen deituta lanuztea. Ezker abertzaleko iturriek adierazi dutenez, "ugariak izan dira grebarekin bat egin duten dendari eta ostalariak eta ez da inolako liskarrik egon". Hala ere, goizean "kaletik ibiltzen" zihoazen lau neska-mutil ertzainek identifikatuak izan direla salatu dute.
Gaiaren inguruko berriak:
UKBERRI.NETeko langileek gaurko grebarekin bat egiten dute (2006 Mar 09)
Martxoaren 9an Uribe Kosta ere kalera! (2006 Mar 07)
Romo-Artatza institutuko (Getxo IV bezala ezagunagoa) ikasleek UKBERRI.NETi jakinarazi diotenez, gaur greba egingo zen ala ez ikasgeletan bozkatzeko eskaera atzera bota zien Zuzendaritzak, "deialdiarekiko 48 orduko epea ez zela betetzen argudiatuz". Eskaera asteartean 8:00etan aurkeztu behar zuten eta atsedenaldia igarota entregatu zuten, 44 orduko epearekin, gutxi gora behera. "Zuzendaritzak dioenez, bi errekreo behar dituzte delegatuak abisatu eta gainontzeko izapideetarako", azaldu dute ikasleek. Hala ere, "beste inolako aukerarik ez" dietela eman ere salatu dute. Gauzak horrela, goizean goizetik Ertzaintzaren furgoneta eta patruila-autoa egon da institutuko atean, "greba oztopatzeko" eta protesta aurrera eramateko aukerarik ez da egon. Komunikabide honek baieztatu ahal izan duenez, erdira ez dira heltzen eskolak ematen dabiltzan ikasleak. Lehenengo orduan pasilloetan bonba kirasdunak bota dituztela adierazi dute hainbat gaztek. Argazkian, Romo-Artatza institutuan hileroko azken ostiralean egiten den elkarretaratzeetako bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun