Hainbat gora behera direla medio, aurrikusitako data baino bi urte t'erdi beranduago amaitu dituzte eraikitzen Visesak, Eusko Jaurlaritzako Etxebizitza eta Gizarte Gaietako Saileko sozietate publikoak Erandion sustatutako babes ofizialeko 112 etxebizitzak. Besteak beste, lanak agindu zizkioten lehenengo enpresarekin zeukaten kontratua bertan behera utzi behar izan zuten eta FCC izan da, azkenean, etxebizitzak amaitu dituena. Joan den asteazkenean ere hainbat auzotarren kexak entzun behar izan zituen, hitza hartu bezain laster, Madrazok. EAEn garatzen ari den etxebizitzaren gaineko politikarekin ez daudela ados jakinarazi zioten sailburuari. Hala ere, aipatu 112 pisuak "eraikuntza aldetik, sustapen pribatukoak beste kalitate edo gehiago" badutela adierazi zuen. "Cadem erakundeak ematen duen Energia Aurrespen Agiria ere jaso dute, C kalifikazioarekin", gaineratu zuen, "energia hobeto aprobetxatzeko", berogailu eta ur berorako etxe bakoitzak gas natural galgara daukala azalduz.
Ezaugarriak:
Eraikitako etxebizitzetatik, 42k bi logela dituzte, 69k hiru logela eta bakarrak logela bat. Etxe guztiek sukaldea, jantoki-egongela eta bainugela dute, hala nola, trasteleku eta garaje atxiki bana. Horien azalera 51,65 eta 80,82 metro koadro bitartekoa da eta 112 etxebizitzetatik hiru pisu mugikortasun arazoak duten pertsonentzat daude egokituta. Batez besteko salmenta prezioa 63.500 eurokoa da. Horretaz gain, salmentan jartzeko beste 30 aparkatzeko toki egingo dituzte, "Erandiok bizi duen aparkaleku gabezia arintzeko asmoz", Madrazoren arabera.
Bi urte t'erdiko atzerapenarekin inauguratu dituzte babes ofizialeko 112 etxebizitza Erandion
2006ko mar. 13a, 21:16
Asteazkenean inauguratu zituzten, Altzagan, Cenemesa lantegia zegoen orubean eraikitako babes ofizialeko 112 etxebizitzak, bi urte t'erdiko atzerapenaren ostean. Ekitaldira ez zen udal ordezkaririk agertu eta, bertan, barkamena eskatu behar izan zuen Javier Madrazo Eusko Jaurlaritzako Etxebizitza sailburuak, proiektua gauzatzeko erabilitako demaseko denboragatik. "Zailatasun handiak" izan direla nabarmendu zuen Madrazok. "Baten batzuk inoiz amaituko ez genuela pentsatuko zuten" aipatu zuen, "hondar-lurra izanik, zimenduak jartzeak arazo larriak" egon zirela argudiatuz. Sailburuaren esanetan, "hasierako egitasmoaren gainean hausnarketa egin behar izan genuen, ezer baino lehen segurtasuna bermatzeko". Ekitaldian pisuen agiriak jaso zituzten jabeek eta hilaren bigarren hamabostaldian emango dizkiete giltzak. Sustatzaile publiko batek Erandion eraikitzen dituen lehendabiziko etxebizitzak dira aipatu 112 BOEak eta 10.490.836 eurokoa izan da inbertsioa. Bitartean, udalerrian 2.883 lagun daude Etxebiden izen-emanda.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun