Unai Elorriagak estreinatuko du berriz martxan jarri den Uribe Kostako irakurzalearen txokoa
2006ko mar. 16a, 22:35
Egizu Getxo Euskaldun! elkarteak bere bitakoran iragarri duenez, “Uribe Kostako irakurzalearen txokoa berriro martxan ipini” da, hainbat denbora geldituta egon ondoren. Denboraldi berri honetako lehenengo idazle gonbidatua etxekoa aukeratu dute: Unai Elorriaga algortarra. Orain arte Elorriagaren azken eleberria den “Vredaman”i buruz luze eta zabal berba egiteko parada izango da hil honen 29an, arratsaldeko 20:00etan, Karitate kalean dagoen Aldai Patronatuaren liburutegian. Argazkia: Gaztesarea.Era berean, Egizuk dagoeneko aurreratu du hurrengo gonbidatua, liburua eta hitzordua zeintzuk izango diren: Jon Maia bertsolari gipuzkoarraren “Riomundo” lehenengo nobela izango dute mintzagai Uribe Kostako irakurzalearen txokoan datorren apirilaren 27an. Bestalde, euskal literaturari buruzko gune bat gomendatu diete irakurzaleei: “Euskal Literatura”.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun