Topaketen abiapuntua iaz Markinan izan ziren GazteMugi topaketetan jarri dute antolatzaileek. Han ateratako ondorioei heldu eta hortik aurrera jarraitzen saiatuko dira.
Gainera, topaketetan esperientzia zehatzek pisu garrantzitsua izango dute eta bertan izango dira euren esperientzia azaltzeko, besteak beste, “Ekaitza” aldizkari lapurtarra, Tas-Tas eta Hala-bedi irrati libreak eta Arrosa irrati ekoizpen zentroa.
Behin-behineko egitaraua
Ostirala, martxoak 17
19:00etan, hitzordua: ondoren topaketen aurkezpena eta parte hartzaileen aurkezpena.
21:00etan, afaria.
22:00etan, antzerkia: “Kaputen Kanta” Antzerkiola imaginarioaren eskutik.
Larunbata, martxoak 18
Goizeko atala: “Komunikazioaren militantzia sustatzen”:
10:00etan, “Militantzia ereduak: Tas-Tas eta Halabedi”.
11:30ean, “‘Ekaitza’ proiektua, esperientziatik mintzo”.
12:00etan, eztabaida.
14:00etan, bazkaria.
Arratsaldeko atala: “Komunikazio ohitura, herri mugimenduak eta euskara”:
16:00etan, Ander Iturriozen hitzaldia “Mass mediak”.
17:00etan, mahai-ingurua: “Gazte mugimenduaren komunikazio ohiturak”.
18:00etan, hitzaldia eta mahai-ingurua: “Gazte Hitzarmena eta gazte hizkera”.
19:00etan, mahai-ingurua: “Hizkuntzaren erabilera eremuz eremu”.
20:00etan, herri komunikabideak nola erabili
21:00etan, afaria.
22:00etan, bideo emanaldia, mass medien erabilera... eta abar.
Igandea, martxoak 19
Goizeko atala: “Errealitatea azaleratzen”:
10:30ean, aurkezpenak: “Txikian handi, munduan bakarrak. Elkarlanaren fruituak: Arrosa irrati ekoizpen zentruaren esperientzia".
11:30ean, Gaztesarea.info: Gazte Informazio Agentzia.
12:30ean, Gazte Komunikabide Alternatiboen Posta Zerrenda.
13:00etan, Gazte Mugimenduaren Artxibategi Nazionala.
14:00etan, bazkaria.
Bazkalostean, topaketak baloratzeko kafe tertulia.
Komunikabide Alternatiboen Gazte Topaketak ospatuko dira gaurtik aurrera Kukutza gaztetxean
Euskal Herri osotik inguratutako gazte komunikatzaileak izango dira gaur arratsaldetik igandera Bilboko Kukutza gaztetxean Komunikabide Alternatiboen Gazte Topaketetan. Hiru egunetan 2005eko GazteMugi topaketetan ateratako ondorioetatik haratago joaten saiatuko dira. Gaur iluntzeko zazpietan deitu dituzte antolatzaileek parte hartu nahi duten guztiak. Elkar aurkeztu ostean afaria izango da eta aldarte onean hasteko Antzerkiola Imaginarioaren “Kaputen kanta” antzezlanak emango die hasiera topaketei. Besteak beste, Uribe Kostatik Koska irrati librea, Metabolik BioHackLab eta UKBERRI.NET hurbilduko dira Kukutzara, bertan Tas-Tas irratia, “Ekaitza” aldizkaria, Gazte Hitzarmena, Gaztesarea, Mundurat, “Xirika”, Arrosa ekoizpen zentroa, Halabedi irratia, Indymedia Euskal Herria eta beste hainbat komunikabide ere egongo direla.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun