Ospitalean hil da atzo Itzubaltzeta / Erromon istripua izan zuen motor-gidaria

Bilboko 34 urteko bizilagun batek (JL.L.M.) motor-istripua izan zuen igande arratsaldean, eta hartutako zaurien ondorioz, goizaldean hil da Gurutzetako ospitalean, Eusko Jaurlaritzako Herrizaingo Sailak jakitera eman duenez. Ezbeharra 18:20ak aldera gertatu zen BI-637 errepidean, Itzubaltzeta / Erromoko biribilgunetik hurbil. Oraindik argitu gabe dauden arrazoiak tarteko, Aprilia RSV 1000 motor batek eta Suzuki Jimny batek alboz talka egin zuten. Motoaren gidariak zauri larriak jasan zituen, baita berarekin zihoan 30 urteko emakumeak (I.A.L.) ere. Biak Gurutzetako ospitalera eraman zituzten. Emakumea Bilboko bizilaguna da. Ertzaintzak adierazi duenez, motor-gidaria 01:00ak inguruan hil da Gurutzetako Ospitalean. Argazkian, beste istripu bat Getxo I institutu aurrean, 2005eko ekainan.