Horretarako, "zeharkako" espazio bat sortu dute, "talde guztion arteko elkarrizketa eta ekintzarako, erdigunean unibertsitateak eta produkzio sektorearen ordezkariak daudela". Triptolemos Fundazioak, besteak beste, honakoak bultzatzen ditu: gizarteak prestakuntza eta informazio hobea izatea elikadura sistemen disponibilitate, segurtasun eta egokitasunaz; ikerketa bultzatzea, horretarako unibertsitatearen, enpresaren eta gizartearen arteko aurrerapenak sustatuz; elkarrizketa erraztea ekoizle, elaboratzaile eta kontsumitzaileen eta administrazio publikoen artean.
Fundazioa patronatu batek gobernatzen du, Federico Mayor Zaragoza Unescoko idazkari nagusi-ohia buru duena. "Patronatuan, bestalde, estatuko elikagaien enpresa nagusietako batzuk eta nekazaritzako elikagaien sektorean puntako ikerketak egiten dituzten zenbait unibertsitate daude. EHU fundazioko hiru kontseiluetako bateko kidea da, Unibertsitateen Kontseilukoa, alegia. Haren helburua da fundazioaren ekintzak dinamizatzea unibertsitatearen arloan", zehaztu dute unibertsitateko arduradunek.
Katalogoan EHUko 19 proiektu
Triptolemosek orain dela gutxi nekazaritzako elikagaien arloan 2006an egindako ikerketen katalogoa aurkeztu du. Bertan biltzen dira Espainiako unibertsitate eta erakundeek egindako ikerketak, "enpresetara hurbiltzeko asmoarekin". CD horretan EHUn egindako 19 ikerketa proiektu jaso dira. "Dokumentuan dauden EAEko erakunde bakar bietatik Euskal Herriko Unibertsitatea da arlo honetan ikerketa gehien egin dituena", nabarmendu dutenez.
Europa mailako nekazaritzako elikagaien garapenerako erakunde baten kide egin da EHU
Euskal Herriko Unibertsitatea "EAEko lehen erakundea" da nekazaritzako elikagaien garapenerako Triptolemos Fundazioan sartu dena, prentsa-ohar bidez EHUk adierazitakoaren arabera. Aipatu erakundea 2003an sortu zen eta "Europako bakarra da unibertsitateak, sektoreko enpresak, kontsumilatzaileak eta ikerguneak biltzen dituena, hau da, nekazaritzako elikagaien kateko elementu guztiak", azaldu dutenez. Triptolemosen helburu nagusia da "nekazaritzako elikagaiei lotutako jarduerak sustatu eta zabaltzea, pertsona guztiek daukaten elikatzeko eskubidea bermatzeari begira".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun