Biharamuneko goizaldean, martxoaren 19an, beste ezezagun batzuek zabor-edukiontzi eta aurrez su emandako zutoin bana jarri jaurti zituzten burdinbidera Iberreko zubitik. Edukiontziak katenaria babesten duen estalkia jo zuenez, korronte elektrikoa eten behar izan zuten eta horrek atzerapenak eragin zituen zerbitzuan. Azkenik, hirugarren istilua Ezkerraldean izan zen: egun horretan bertan, garbitzaile batek beisbol bateak eta makilak zeramatzaten sei lagun ikusi zituen Sestaoko tunelean. 2. linearen bukaeran zegoen unitate batean pintadak egin zituztenak omen dira pertsona horiek.
Segurtasun neurriak
Segurtasun alorrean egin beharreko aldaketak datozen asteetan sartuko dira indarrean. Bereziki asteburuetako gauetan eta goizaldeetan izango dute eragina. Metro Bilbaok txakurrez lagundutako zainketa-patruilak mantenduko ditu, nasetan, trenetan eta pasilloetan istiluak eragozteko. Jagole guztiek sakelako telefonoak eramaten jarraituko dute, behar izanez gero basearekin, aginte-gunearekin eta Ertzaintzarekin harremanetan jartzeko, baita trenak tuneletan daudela ere. Horretaz gain, "Metroko instalazio guztiak erantzukizunez erabiltzeko eta langileak errespetatzeko" eskatu die bidaiariei, "zerbitzuaren kalitateka hobetze aldera".
Azken istiluen aurrean, segurtasun neurriak areagotuko dituzte metroan
2006ko mar. 21a, 20:10
Metro Bilbao konpainiako Zuzendaritza Batzordeak sarearen zainketa sistemak eta segurtasuna indartuko ditu, joan den asteburuan "areagotu" ziren istiluei aurre egiteko. Hiru gertaeretatik bik Uribe Kostako trenbideetan jazo ziren. Garraio enpresak helarazitako prentsa oharraren arabera, martxoaren 18ko goizaldean, ezezagun batzuek sei enborrez (bakoitza trabes baten neurrikoa) osatutako barrikada jarri zuten trenbidean, Larrabasterra eta Berango bitartean; "dantzaleku ezagun batetik hurbil", Metro Bilbaoren hitzetan. Izenik ematen ez duten arren, The Image diskoteka –argazkian– dago bertan. Horrez gain, harriak ere jarri zituzten bidea oztopatzeko. Bestalde, aipatu beharra dago, metroa dabilenetik, ugariak izan direla bertoko zaintzaileen jokabidearen aurkako salaketak.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun