Uribe Kostako gazte asanbladen eta gaztetxeen arteko koordinazioari buruz luze mintzatu ziren, "elkarlana eta komunikazioa bultzatzeko beharra" azpimarratuz, eta "koordinadora subjektu bat ez dela, baizik eta Uribe Kostako gazte asanbladen eta gaztetxeen markoa; elkarlana, komunikazioa eta borroka ideologikoa aurrera eramateko". Euren hitzetan, "hori ez du kentzen kanpaina bateratuak egitea". Eskualdeko gazte asanbladen "indarra" ikusirik, hurrengo urterako erronkak aireratu zituzten: irratsaioa, web orria, erresistentzia kutxa... Itzubaltzetan bildutako neska mutilen hitzetan, "argi geratu da Uribe Kostako gazteria gogotsu lan egiten duela gaztetxeen alde. Nahiz eta oztopoak handiak izan gure ametsekin aurrera jarraituko dugu. Beharrezkoak direlako... herri bat, gaztetxe bat".
Gaztetxe Martxa
Antolatutako herri bazkarian sabela bapo bete eta, gero, giro ezin hobean, denon artean inprobisazio antzerkia egin ostean, Gaztetxe Martxaren aurkezpena egin zuten. "Gaztetxeen mezua jendarteratzea –gaztetxeak behar sozial bati erantzuten diotela eta gazteok autogestioaz gauzak lortzen ditugula– eta horien kontrako erasoak gelditzea" dira aipatu ekimenaren helburuak. Martxa apirilaren 30ean igariko da Uribe Kostatik eta, hil horretan aurkeztu dituzte jarraituko duen ibilbidea eta egingo dituzten ekintzak, Sopelan bazkariarekin hasi eta Leioan jai batekin amaituz.
"Euren ametsen alde lanean" jarraituko dutela berretsi dute Uribe Kostako gazte asanblada eta gaztetxeek
Joan den larunbatean, martxoak 25, Uribe Kostako gazte asanbladen eta gaztetxeen topaketak egin ziren Itzubaltzeta gaztetxean. Besteak beste, EAJk gobernatzen dituen udalek –eskualdean guztiak– gaztetxeen aurka duten jarrera "errepresiboa" nabarmendu zuten herri bakoitzeko ordezkariek. "Gure arazoei muzin egiten diete. Hala ere, azken urteotan argi utzi dugu behar sozial bat garela", nabarmendu zuten koordinadorako kideek. Hain zuzen ere, "desalojoak eragotzi" nahian, protokoloa landu zuten asteburuko batzarrean, horiei "ahalik eta erantzun zabalena" emateko. "Mugimendu bat garen heinean, baturik erantzun behar dugu", diotenez. Okupazioaren aldeko protokoloa ere egin zuten larunbateko topaketetan, "okupazioa burutzen duen herriari babesa emateko, elkarlana bultzatzeko, herrietan gaztetxe berri bat dagoela eta hauen filosofia eta beharra azpimarratzeko...".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun