Proiektua onartzeko prozedura administratiboa espaloi arrunt baten proiektuaren antzekoa izan da. Eskaera zehatzak hurrengoak dira:
1) Lanak kontratatzeko prozedura administratiboa geldiaraztea.
2) Ereaga eta Portu Zaharra arteko oinezkoen joan etorriak errazteko, kostaldea eta itsasoa orain baino gehiago okupatzea dakarren proiektu oro baztertzea.
3) Getxoko herritarrei Ereaga eta Portu Zaharra arteko oinezkoen joan etorriak errazteko alternatiba azterketa aurkeztea.
Testua osorik www.getxobizia.org web orrian duzue.
Alkateari eta alderdi politiko guztiei mozioa eztabaidatu eta bozkatu daitezela, eta 2003ko udal hauteskundeetan plataforma honen aldeko boza eman zuten 2.756 herritarren ordezkari gisa, Getxo Biziaren parte hartzea bermatu dadila exijitzen diegu.
Getxo Bizia
Ereaga eta Portu Zaharra arteko singera eta harkaitz guneak errespetatuak izan daitezen mozioa aurkeztu du Getxo Bizia herri plataformak, datorren martxoaren 31ko udal batzarrean eztabaidatua eta bozkatua izan dadin. Ereaga hondartza eta Portu Zaharra arteko bidea zabaltzeko lanen proiektua, otsailaren 14an onartu zuen Udal Gobernu Batzordeak. Proiektu honen arabera, eta Ereagako bidegorria Portu Zaharra bertaraino eraman zein oinezkoen espaloia tarte honetan zabaltzearren, kai berria eraikiz, Ereagako kaia beste lau bat metro itsas aldera zabalduko litzateke, marea arteko tartea (singera eta harkaitz gune aberatsa) zementupean estaliz. Argazkian, Galdaretxe izeneko haitza itsas goran. Egun hartan marea ez zen bizia izan. Kaiaren horma haraino helduko litzateke, izena duen haitz honen berezitasuna zapuztuz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun