Sopeloztar bat atxilotu dute Santutxun drogak saltzea egotzita
2006ko mar. 29a, 11:55
Bilboko Guardiako Epaitegiak P.L.V. Sopelako 50 urteko bizilaguna espetxeratzea agindu zuen atzo, droga-trafiko delituaren egilea delakoan. Hainbat hedabidek zabaldutakoaren arabera, martxoaren 23an atxilotu zuen Bizkaiko hiriburuko Udaltzaingoko Drogen Aurkako Unitateak 'Perico' ezizenez ezaguna dena. Santutxu erdialdeko tabernetan kokaina saltzen ari zen une horretan, polizia iturriek diotenez. "Aipatu zonaldean droga horren kontsumoa areagotzen ari zela ikusita, Juan de la Cosa kaleko ostalaritza establezimenduetan ikertzen hasi ziren polizia agenteek eta, bertara lagun ugari kokaina erostera joaten zirela antzeman zuten", azaldu dute komunikabideek Udaltzaingoak emandako argibideak aipatuz. Antza, Sopelatik Bilbora joaten zen egunero P.L.V. eta "txikteroa izango balitz aurkeztuz, bere bezeroekin harremanetan jartzen zen eta purutasun handiko kokaina saltzen zien".Atxilotu zutenean, kokaina 24 poltsa eta 4.380 euro harrapatu zizkioten, "90 minututan egidako salmenten fruitua". Ondoren, Sopelako etxean egin zuten miaketan, 5.800 euro eta haxixa eta kalamua atzeman zituzten polizia agenteek. Lehen aipatu iturrien arabera, 1984an eta 1989an ere atxilotu zuten P.L.V. droga-trafikoagatik.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun