Sindikatu guztiek deituta greba izan da gaur, martxoak 29, EHUn. Euskal Herriko Unibertsitateko 4.700 irakasleen soldata "duintzeko" eta soldata osagarri gehigarriak arautzeko prestatzen ari diren dekretua bertan behera uzteko eskatu dute sindikatu guztiek.
Gaiaren inguruko berriak:
Antolatzaileen arabera, EHUko irakasleen "ia ehuneko ehunek" egin dute bat greba deialdiarekin (Berria, 2006 Mar 29)
Greba egingo dute bihar EHUko irakasleek (2006 Mar 28)
Gaurko grebari begira sindikatuek egindako aurrikuspenak bete egin dira eta EHUko Errektoretzak berak onartu du ia erabatekoa izan dela. Prentsa ohar bidez, unibertsitateko arduradunek adierazi dutenez, "irakasleen sindikatuek deitutako greba dela eta, kontuan izanik unibertsitateko ikastegietatik zein laster bidali dituzten datuak zerbitzu nagusietara, eta kontuan izanik ez dela ia eskolarik izan egun osoan, Euskal Herriko Unibertsitateko errektoretzak uste du deiaren jarraipena oso handia izan dela, eta irakasleen artean %90ek baino gehiagok egin duela greba". CCOO, CSIF, EILAS, UGT, LAB eta ELA sindikatuek, berriz, irakasleen "ia ehuneko ehunak" deialdiarekin bat egin dutela agertu dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun