Dirulaguntzak emateko orduan, getxoztarrek edo udalerrian jarduten diren gobernuz kanpoko erakundeek izango dute lehentasuna. Garapen bidean dauden herrietan aurrera eraman nahi diren egitasmoen kasuan honako kokaleku hauek ere lehentasuna izango dute: Sahara, Ertamerika, Hegoamerika, Karibe eta Afrika. Balorazio handienak proiektuen helburu sozialarekin du zerikusia, hau da, "bizitza duinagoa lortzea lagundu nahi duten ekintzak, giza eskubideak sustatzekoak, genero ikuspegia dutenak eta etorkin getxotarren jatorrizko inguruetan aurrera eraman nahi diren ekimenak", Landak zehaztu duenez. Egitasmoetan udalerrian bertan esku-hartzea ere kontuan hartuko da. Gainontzeko irizpideak eta hautaketa aurreko urteotako deialdien antzekoak izango dira.
Aholkularitza
Aurkeztuko diren egitasmoak baloratzeko, iaz bezala, Hegoa, EHUko Nazioarteko Lankidetza eta Garapenari Buruzko Ikasketa Institutuaren aholkularitza teknikoa izango du Getxoko Udalak. Iaz 36 eskaera izan ziren eta aurten 40tik gora izatea espero dute tokiko agintariek. Dirulaguntzak ematea arautzen dituzten baldintzak eta inprimakiak Itzubaltzeta / Erromo, Algorta eta Getxoko Herritarren Arretarako Bulegoetan eta hurrengo loturan eskura daitezke: oinarriak
Dagoeneko garapenaren aldeko lankidetza egitasmoetarako dirua eskatzerik badago Getxoko Udalari
Datorren apirilaren 29ra arte egongo da zabalik Getxoko Udalari garapenaren aldeko lankidetza egitasmoetarako dirulaguntzak eskatzeko epea. Aurten 346.700 euro banatuko dira guztira, Sahararen aldeko elkartasun karabanarako emandako 18.000 euro kontutan hartu gabe. Aurreko urteetan bezala, hiru programa motari emango diete dirulaguntza: garapen bidean dauden herrietan martxan jartzen diren egitasmoei, sentsibilizazioa edota hezkuntza alorrekoei eta, azkenik, larrialdiei aurre egiteko direnei. Imanol Landa Presidentzia zinegotziak elkarte getxoztarren tokiko erakundearen "izaera solidarioa" goraipatu du gaurko prentsaurrekoan, "urtez urte Garapenaren aldeko Lankidetza Arlora zuzentzen den diru kopurua gero eta gehiago delako –2006an 525.000 euro–, zeregin hauetan lan egiten duten langileen kopurua handiagoa delako eta elkarteekin harreman estua dagoelako, horretarako sortutako lan talde baten bitartez”.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun