Iñaki Zarraoa alkatea "pozik" agertu da helegitea aurkezteko aukerarik ematen ez duen epaiaren aurrean. ”Alegazioak arbuiatzeko epaileak emandako azalpenek argi uzten dute guztiz Udalaren jokaera zuzena izan zela, eta ondorioz, hurrengo epaietan halaxe gertatuko dela espero dugu”. Oraindik hiru diziplina-espediente daude auzitan: ibilgailu ofizialetan eranskinak ipintzea eta, aldiro-aldiro, zirkulazioaren jarduera arrunta eta udalerrian kamioien zamalanak galaraztearen gainekoak.
Ugaltzaingoaren irudia "kaltetuta"
Espediente hauek 60 udaltzainengan dute eragina, baina bertan behera gera litezke, "polizia agenteek lan auziaren ondorioz kaltetuta geratu zen Getxoko Udaltzaingoaren irudia garbitzeko borondate argia erakutsiko balute", udal iturriek adierazi dutenez. “Udaltzainek, administrazioak eta Alkatetzak berak ere ahalegin guztiak egin behar dituzte Udaltzaingoak berez duen irudi ona berreskuratzeko”, esan du Zarrakoak.
"Justiziak arrazoia eman dio Getxoko Udalari eta iazko udaldian greba egin zuten udaltzainei ezarritako diziplina zigorrak berretsi ditu", tokiko erakundeko prentsa zerbitzuak jakinarazitakoaren arabera. Udal iturriek adierazi dutenez, Bilboko Administrazioarekiko Auzietako 1. Epaitegiak ezetsi egin ditu, oraingoz behintzat, aurkeztutako helegitetatik 13 eta beste 67ren gaineko epaia kaleratuko du. Guztira 95 aurkeztu zituzten polizia agenteek. "Zigorrak, udaltzainei beren jantzi ofizialean lan auzia aldarrikatzeko eranskinak eramateagatik ezarri zizkieten, hutsegite arintzat jo dituzte, eta horien arabera, hiru eguneko enplegu eta soldata bako zigor bana jaso dute udaltzainek", azaldu dute Udaletik.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun