Ekitaldi hauek guztiak autore frantsesaren lanetan oinarrituko dira. Horrela, bada, ikasleek Jules Verneren obren zatiak jendaurrean irakurri eta istorioen pertsonaiak antzeztu ahal izango dituzte. Besterik, larunbat arratsaldean, kontalari ikuskizun bat egongo da. Kandelen argipean taldearen eskutik, "Ipuinaren bihotzeraino" obraz gozatu ahal izango dute umeek. Azkenik, Villamonteko erakustaretoan, "Jules Verne: Irudimenetik errealitatera" erakusketa izango da. Lau egunetan zehar autorearen bizitza, garai historikoa, pertsonaia garaikideak, bere harremana zientziarekin izango dira besteak beste, erakutsiko dizkigun arloak.
Umeen artean irakurzaletasuna bultzatzeko jarduera ugari egongo da egunotan Algortan
Apirilaren 2an Ume eta Gazteentzako Liburuen Eguna izango da. Hori dela eta, Getxoko liburutegien sareak hainbat jarduera antolatu ditu gazteenen artean irakurzaletasuna sustatzeko asmoz. Aurten Jules Verne idazle ezagunaren obra izango da ardatza. Ekitaldi nagusian, Getxoko eskola-umeek jendaurrean irakurtzen jardungo dute. Hiru egunetan zehar, martxoaren 31n, apirilaren 1ean eta 2an, Algortako kultur etxean, Villamonten, hainbat jarduera izango da. Ludoteka, kontalariak, tailerrak, jendaurreko irakurketa eta idazleari buruzko erakusketa bat besteak beste.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun