Uribe Kostako berriak eta iritziak eskaintzen dituen UKBERRI.NETek amaitu berri den 2006ko martxoan izan zituen bere historia laburraren daturik onenak. Hilabete horretan lehenengo aldiz bi marka apurtu zituen: 2.500 bisitari ezberdinena eta 8.000 bisitena. Aipatu hilabetean, Uribe Kostako eta beste lekuetako 2.647 internauta euskaldunek 71.190 orri irakurri zituzten webgune honetara egindako 8.888 bisitatan. Era berean, bisita gehien jaso duen eguna iragan martxoaren 7an izan zen. Egun horretan, 747 pertsonek jarraitu zuten Algortako Mentxakabarri gaztetxearen desalojoa (argazkian) UKBERRI.NETeko orrialdeen bitartez.
UKBERRI.NET 2003ko azaroaren 8an jaio zen, Estatu Espainiarreko Gobernuak eta Juan del Olmo epaileak 2003ko otsailaren 20an itxitako "Euskaldunon Egunkaria"ren "Bizkaia" gehigarriak Uribe Kostan utzitako hutsunea betez. Data horretatik 2006ko martxoaren 31ra arte, webguneak 90.702 bisita jaso ditu eta 809.805 orrialde eskaini die 23.179 internautari. Era berean, webgunean 4.075 albiste eta iritzi argitaratu dira 29 hilabete horietan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun