Biarritzeko Balet Gazteak dantzaldia eskainiko du bihar Leioako campusean
2006ko api. 4a, 20:23
Asteazken honetan, apirilak 5, hainbat koreografia eskainiko du, 12:00etatik aurrera, EHUko Leioako campuseko areto nagusian, Ballet Biarritz Junior (BBj) taldeak. Besteak beste, pieza hauek eskainiko dituzte hamabi dantzarik, Thierry Malandainaren zuzendaritzapean: "Laztanak", Knopff margolariaren koadro baten onairrituta dago, Edipo eta Esfinge agertzen dira laztanak banatzen. "Elurretako herrialdea", Yasunari Kawabat idazle japoniarraren nobela baten oinarrituta dago maitasunari buruzko historia hau. "Zisnearen heriotza", Anna Paulova dantzariarentzat egindako bene-benetako dantza-uneak dira. Bakarrizketa honek hegazti baten indarra eta grazia erakusten ditu, unibertsitateko kultur iturrien hitzetan, sinbolo askoren agerpena eginez: guztien artean, nabarmenak dira, argia, bere zuritasun garbia. Ikuskizuna dohainik izango da.Horretaz gain, "Bolero" izenburuko baleta eskainiko dute. Ida Rubinstein dantzariarentzat egina, koreografia lan osoa, helburu horri begira eginda dago. Bestalde, ez dezagun ahaztu, bere garaian “Bolero” ausardia handiz eginiko musika-apustu bat izan zela. Andaluziako taberna batean gertatzen da istorioa. Eta azkenik, "Gau itxuraldatua" dantzarekin emango dute bukatutzat emanaldia. "Arnold Schoenbergen poema sinfonikoan, bi izaki noraezean dabiltza baso izoztu batetik; bidean ilargia dute lagun, eta hari begira geratu dira", azaldu dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun