Mungiako Udalak eta Sabino Arana Kultur Elkargoaren Euskal Abertzaletasunaren Museoak elkarlanean iaz antolatutako "Lauaxeta. Lau Haize, Hamaika Begirada" erakusketa, olerkari bizkaitarraren jaiotzaren mendeurrena ospatzen zuena, Kultur Leioan izango da ikusgai maiatzaren 7ra bitartean. Jon Kortazar erakusketako arduradunak adierazi duenez, "Lauaxeta hurbilagotik ezagutzeko aukera emango du", baina batez ere bisitariari erakutsi nahi dio "margolariak, idazleak, olerkariak eta abar biltzen zituen 1930eko hamarkadako belaunaldia garrantzitsu hura zein indar eta helburuk gidatzen zituzten". Argazkian, Karmelo Sainz de la Maza Leioako alkatea eta Juan Maria Atutxa Sabino Arana Kultur Elkargoko presidentea, goizean, Jon Kortazaren azalpenak entzuten.
Erakusketak Lauaxetaren eta bere garaiko hainbat objektu, dokumentu, panel edota argazki batzen ditu. Oraingo erakusketa Kultur Leioan egingo da eta ordutegia hauxe izango da: 10:00etatik 20:00etara, astelehenetik ostiralera; 17:00etatik 20:00etara, larunbatetan; eta 11:00etatik 14:00etara, igandeetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun