Parkeetako kulunkak konpontzeko eskatu du Berangoko Ezker Batuak
2006ko api. 5a, 17:48
Umeentzako jolastokiak konpondu eta mantentzea eskatu zion atzo Berangoko Udalari Koldo Martinez (argazkian) EB-Berdeak taldeko zunegotziak, "horietako batzuk, Otxoatarrena tartean, kulunka bat bera ere ez dutelako egoera onean". Martinezek zehaztutakoaren arabera, batez ere, txikienek inolako arriskurik jolas dezaten dira aipatu aisialdi guneak. Hala ere, Berangon, "parke ugari eta zabalak dauden arren, gabeziak dira nagusi horietan", gaineratu duenez. Ezker Batuako ordezkariak kritikatu duenez, "Auzotarren kexak asko izan dira, baina Udalak Otxoatarren parkeko kulunka bat baino ez du itxi; konpondu edo aldatu beharrean".Bestalde, aipatu lekuetan, zorua estaltzen duen goma "txarto finkatuta" dagoela eta "zati txiki bat baino ez" duela tapatzen kritikatu du Martinezek, aipatu akatsa "larritzat" joz. "Gainera, lurra irregularra denez, euria egiten duenean putzu bilakatzen dira", adierazi du zinegotziak. Hori dela eta, jolastokietako azpiegitura guztiak ikuskatu eta egoera txarrean daudenak alda ditzala eskatu dio Udalari EBko ordezkariak; baita horiek mantentzeaz arduratzeko ere, "txikientzako arriskuak saihesteko asmoz".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun