Udaltzaingoa, Bake Epaitegia, Gizarte Ongizate Zerbitzuak eta hartuko dituen Kontsumitzaileen Informaziorako Udal Bulegoa (KIUB) hartuko dituen egoitza berria eraiki du, Elexalde inguruan, Gorlizko Udalak. Orotara, 375,7 metro koadro erabilgarri dituen eraikinak "Eusko Jaurlaritzak ezarritako irisgarritasun neurriak betetzen ditu", tokiko erakundeko arduradunek prentsa ohar bidez jakinarazi dutenez, eta aparkalekua du sotoan eta beste bi solairu. Behekora, kanpotik zuzenean sartzeko aukera dago arrapala baten bidez, eta ezinduentzako komuna ere badago bertan. "Gainera, beheko solairua gainontzekoekin komunikatuta dago zortzi lagunentzako igogailu baten bidez", aipatu du Patxo Igartua alkateak. Argazkian, Gorlizko udaletxea.
Lehenengo pisuak 98,72 metro koadroko azalera du eta bertan dago sarrera nagusia; aurrekaldetik sartzeko aukera dago, zirkuluerdi-formako eskaileren bidez, edo "beste aldeko fatxadatik abiatzen den elbarrientzako arrapala baten bidez, mendebaldeko fatxadako ertzetik joan eta sarrera nagusira helduz". Zorua marmolezkoa da, barrualdeko eskailerak bezala. Goiko solairua, berriz, zur ijetziaz egindako zertxaz osatutako estaldura daukan gune argia da; zoruak Guineako egurraz daude eginak. "Egoitza berri honen bidez, herritarrentzako arreta hobetu nahi dugu. Gainera, eskaintzen dituen zerbitzu ugariengatik asebeteta dagoen udaletxea arintzen lagunduko du", azaldu du Igartuak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun