Hala ere, trikitixa da folk izaerako diskoaren protagonista nagusia, lengoaia musika berritzaileak eta instrumentu tradizionalak zein gaur egungoak erabiltzen dituen arren. Goenagaz gain (trikitixa, ahotsa eta panderoa), Beñat Barandiaran (gitarra akustikoa), Iban Gurrutxaga (gitarra elektrikoa), Mikel Atxaga (baxu elektrikoa) eta Iñigo Egia (perkusioa) musikariek ere hartu dute parte proiektu honetan.
Kantuketan zikloarekin jarraituz, ostiralean erritmo elektronikoek hartuko dute folk musikaren lekukoa, arratsaldeko 8etatik aurrera, Javi P3Z Orkestrak "Sports" izenburuko bere azken lana aurkeztuko baitu Getxo Antzokian.
Iker Goenaga trikitilariak emango dio hasiera ostegun honetan Kantuketan zikloari
Kantuketan zikloa ostegun honetan, apirilak 6, hasiko da Iker Goenaga trikitilariaren emanaldiarekin. Goenagak "Amorrua" izenburuko bere azken laneko abestiak aurkeztuko ditu, arratsaldeko 8etatik aurrera, Algortako Getxo Antzokian. Kontzertura joateko doako gonbidapenak Villamonte kaleko kultur etxean jaso daitezke. Getxoko Kultur Etxeak adierazi duenez, trikitilari zizurkildarrak erritmo tradizionalak eta beste motako soinuak uztartu ditu disko berrian, "musika unibertsala sortzeko asmoz". Gainera, zenbait baliabide moderno erabili ditu eta, tekno musika ez den arren, "Amorrua" lanak musika mota horretako eraginak biltzen ditu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun