Lankidetza hitzarmenak berriztatu dituzte Getxoko Gizarte Zerbitzuekin elkarlanean aritzen diren hamar elkarterekin
Gizarte Zerbitzuekin elkarlanean aritzen diren 10 elkarterekin dituen lankidetza hitzarmenak berritu ditu Getxoko Udalak eta, horietarako, 138.800 euro bideratuko ditu, "2005an baino %4 gehiago", tokiko arduradunek adierazi dutenez. Horrela, adimen urritasuna duten pertsonen aldeko Uribe Kosta elkarteak jasoko du laguntzarik handiena, 50.000 euro guztira. Bestalde, drogomenpekotasuna saihesteko lan egiten duten elkarteekin dauden hitzarmenetarako diru kopurua ere %4 hazi da. Kasu horretan, 30.549 euro banatuko dira hurrengoen artean: 17.885 euro Gizakia fundazioarentzat izango dira; eta gainontzekoa ikasleen gurasoen hainbat elkarteri emango zaie: Elkargarrirentzat 6.389 euro, FAPAGentzat 3.245 euro eta FAPA Pupitre izenekoarentzat 3.030 euro.
Hasieran aipatutako hamar elkarte horietatik, Gurutze Gorriak 37.000 euro izango ditu garraio egokituaren programarako; Itzubaltzeta / Erromoko Nagusien Etxeko Ibar abesbatzak 14.600 euro; APNABI, autismoa eta beste psikosi batzuk afektatutako haurren gurasoen elkarteak 12.000 euro; Caritasek 5.000 euro, pertsona nagusiak laguntzeko; Down sindromea dutenen elkarteak, BIZKELek, FEGEVOLek, Bolondresen Elkarteen Federazioak eta Gizatiar elkarteak 4.600 euro bana jasoko dituzte eta, azkenik, Getxoko Nagusien Etxeko Urtealaiak elkarteak 1.750 euro eskuratuko ditu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun