Aste santuan, apirilaren 12tik 17ra:
Aste Santuan, asteazkenetik, apirilak 12, astelehenera, apirilak 17, zerbitzua 22:20 eta 23:00 artean amaituko da, helmugen arabera. Azkeneko trena Etxebarritik Sestaorantz 22:50ean abiatuko da, eta Plentziarantz 23:00etan. Kontrako norabidean, Plentziatik 22:20an eta Sestaotik 22:38an irtengo dira azkeneko trenak. Egun horietan ez da gaueko zerbitzurik eskainiko, ez eta autobus zerbitzu osagarririk ere.
Pazko Astean, apirilaren 18tik 21era:
Goizeko 7:00etatik 10:30era Etxebarri eta Plentzia arteko maiztasuna, norabide bietan, 18 minutukoak izango dira, 20koak izan beharrean. Era berean, aste honetan Areetako bezeroen arretarako bulegoa itxita egongo da, eta edozein kontsulta egiteko San Inazioko geltokian dagoen bulegora joaterik baino ez da egongo, horretarako ordutegia ohikoa izango dela, 8:30etik 19:30era.
Metro Bilbao garraio enpresak urtero legez Aste Santuko bost jaiegunetan bidaiak %40 bat gutxituko ditu, "urte osoko erabiltzailerik gutxien izaten den sasoia" izaten delakoan. Gainera, gaueko zerbitzurik ez da egun horietan egongo, ez metrorik ezta autobusik ere. Metro Bilbaok kaleratutako prentsa oharraren arabera, "bezeroen kopurua izugarri jaisten den arren, programatutako ordutegiak Metro Bilbaok edozein jai egunetan eskaini ohi duen zerbitzuaren ordutegi eta maiztasunak errespetatzen ditu, oro har".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun