2005eko ekainaren 15etik 2006ko ekainaren 14era artean Ekonomia Jardueren gaineko Zergan (EJZ) alta eman duten enpresa berriak aurkez daitezke lehiaketara, baina enpresa sortu duten bazkideetako batek, gutxienez, honako baldintza betetzen badu: hitzarmena sinatu duten Behargintzen udalerrietako batean erroldatuta egon behar du, edo bestela, enpresak udalerri horietako batean izan behar du egoitza.
Sariak
Lehiaketaren irabazleak 6.000 euro esku-dirutan eta 3.600 euro 'Berria' egunkariko publizitatean eramango ditu, sortutako enpresa ezagutzera emateko (lehenengo urtearen barruan). Gainera, sariketa antolatu duten Behargintza zentroek eskualdeko sariak emango dituzte, eskualdeko bana. Horrela, eskualde mailako zazpi sari emango dira, bakoitza 2.500 eurokoa.
Eskuratu Lur Barriak Enpresa Ekimenen IV. Lehiaketako deialdiaren oinarriak eta eskaera orriak (PDF dokumentua / 270 kb) hemen klik eginez.
Eskualdeko lagun guztientzako dago zabalik Lur Barriak enpresa-ekimen sariketa
Bermeoalde, Mungialde eta Txorierriko Behargintza zentroekin batera, Lur Barriak enpresa-ekimenen sariketako laugarren deialdia antolatu dute Erandio, Getxo, Leioa eta Uribe Kostako enplegu eta garapen ekonomikorako tokiko erakundeek. Barrika, Berango, Gorliz, Lemoiz, Plentzia, Sopela eta Urduliz hartzen ditu azken horrek. BBK Gazte Lanbidean, Bizkaiko Foru Aldundia eta Euskal Udalerrien Elkarteak (Eudel) dira ekimenaren laguntzaileak. Bere helburua, zentro bakoitzaren jarduera-eremuko udalerrietan enpresa-kultura bultzatzea da. Aurkeztutako egitasmoak baloratzeko zenbait irizpide erabiliko dira: proiektu berritzailea izatea; enpresaren jarduerak kanpora begira duen proiekzioa eta enpresa hedatzeko aurreikuspenak; sortutako lanpostu kopurua; inbertsio bolumena; enrpesaren kokalekua; eta emakumeen kopurua enpresan. Eskaria aurkezteko epea ekainaren 14ko 12:00etan amaituko da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun