Iñaki Zarraoa alkateak egitasmo horiek aurkeztu ditu gaur goizeko prentsaurrekoan, Luis Maria Artetxe Bizkaiko Foru Aldundiko errepideen zuzendari nagusiarekin eta Andres Uriarte tokiko Hirigintzako zinegotziarekin batera, eta helburu nagusia "inguruko oinezkoei –tartean, institutuko mila ikasle baino gehiagori– segurtasun handiagoa ematea da, trafikoa lasaitzeko zenbait elementu jarriz, esate baterako, espaloia luzatuz Faduraraino".
Altxatutako oinezkoentzako lau pasabidek inguratuko dute biribilgunea eta inguruko semaforoak desagertuko dira. Gainera, udal agintariak azaldu duenez, “proposamenak ibaitik gertuen dagoen aldean espaloi bat eraikitzea aurreikusten du. Oinezkoentzako pasabide berria egitea ekarriko du eta, horri esker, institutuko ikasleak espaloi batetik bestera zuzenean pasa ahal izango dira. Gainera, gurutzagune horretatik Berangoko mugaraino doan tartea urbanizatu egingo da eta trafikoa lasaitzeko elementu batzuk ipiniko dituzte, tartean oinezkoentzako altxatutako pasabideak”.
Foru arduradunek behin betiko proiektua udako lehen hilabeteetan aurkeztea espero dute eta aurrekontua 420.000 eurotakoa baino gehiagokoa izan daiteke. Lanak 2006aren amaieran has litezke, “pentsatuta zegoena baino urtebete lehenago”, foru eta udal iturriek azpimarratu dutenez.
Beste egitasmo batzuk
Era berean, eta "segurtasuna handitzeko asmoarekin" ere Kortiñe inguruan beste biribilgune bat eraikitzeko duen asmoa jakinarazi dio Aldundiari Udalak, hain zuzen ere Getxo aldeko Gabriel Ramos Uranga eta Galeako errepidearen artean, “horra heltzen den ibilgailuen kopuru handiak hori gomendatzen duelako”, Uriartek azpimarratu duenez. Ekimen horiek Getxoko Udalari foru errepideen jabetza emateko hitzarmenaren barrukoak dira. 1994ean sinatu zuten bi erakundeek.
Bizkaiko Foru Aldundiak eta Getxoko Udalak Ollarretxe eta Salsidu kaleen artean –Algortako Julio Caro Baroja-Getxo I. institutuaren alboan– biribilgune bat egitea adostu dute, "oinezkoen segurtasuna areagotzeko". Hori eraikitzearekin batera, Salsidu kalea ere egokituko dute, hortik Berangoko mugaraino. Bi ekimenen lan-proiektua udaren hasieran aurkeztea aurreikusten dute eta lau hilabeteko iraunpena izango duten obrek urtearen amaieran has litezke, 420.000 eurotako aurrekontuarekin, Aldundiko iturriek jakinarazi dutenez. "Nahiz eta aurten istripurik ez egon bertan, gune arriskutsutzat hartu du Getxoko Udaltzaingoan, institutuko neska-mutilek nahi duten lekutik igarotzen dutelako Ollarretxe-Txopoetako errepidea", azaldu dute udal arduradunek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun